പ​ത്ത​നാ​പു​രം: കാട്ടുമൃഗങ്ങളുടെ ഇഷ്ട ഭക്ഷണമായ മൂട്ടിപ്പഴങ്ങൾ കി​ഴ​ക്കൻ വ​ന​മേ​ഖ​ല​യിൽ പാകമായിത്തു​ട​ങ്ങി. വേ​നൽ​കാ​ല​ത്ത് പൂ​വി​ടു​ന്ന മൂ​ട്ടി​മ​രം കാ​ല​വർ​ഷ​ത്തോ​ടെ​യാ​ണ് കാ​യ്​ക്കു​ന്ന​ത്. മേയ്,​ ജൂൺ മാ​സങ്ങളിലാണ് പഴുത്ത് പാകമാകുന്നത്. ദളങ്ങളില്ലാത്ത പൂക്കൾ ചുവന്നതാണ്. ഇവയ്ക്ക് ബാഹ്യദളങ്ങളുണ്ട്. ഫലത്തിന് നെല്ലിക്കയുടെ വലിപ്പമുണ്ട്.

പഴുക്കുമ്പോൾ ഫലത്തിന്റെ നിറം കടുംചുവപ്പാണ്. മ​ല​യ​ണ്ണാൻ,​ ക​ര​ടി,​ കു​ര​ങ്ങ്,​ ആ​ന,​ കാ​ട്ടു​പോ​ത്ത്,​ പ​ന്നി തു​ട​ങ്ങിയ ​മൃ​ഗ​ങ്ങ​ളാണ് കൂടുതലായി മൂ​ട്ടിപ്പ​ഴം തേടിയെത്തുന്നത്. മ​ര​ത്തി​ന്റെ ചു​വ​ട്ടിൽ കാ​യ്​ക്കു​ന്ന​തി​നാ​ലാ​ണ് മൂ​ട്ടിപ്പ​ഴം എ​ന്ന പേ​ര് വീ​ണ​തെ​ന്ന് പ​റ​യു​ന്നു. പ​ശ്ചി​മ​ഘ​ട്ട​മ​ല​നി​ര​ക​ളെ സ​മ്പു​ഷ്ട​മാ​ക്കു​ന്ന മൂ​ട്ടിപ്പ​ഴം അ​ടു​ത്ത​കാ​ല​ത്താ​ണ് മ​നു​ഷ്യ​രുടെ ഇ​ഷ്ട​വി​ഭ​വമായത്. ഇതോടെ മൂ​ട്ടി​പ്പ​ഴ​ങ്ങൾ​ക്കാ​യി നി​ര​വ​ധി​യാ​ളു​കളാണ് കാ​ടു​ക​യ​റു​ന്നത്.

കേ​ര​ള​ത്തി​ലെ വ​ന​മേ​ഖ​ലകളിൽ അ​പൂർ​വ​മാ​യി കാ​ണു​ന്ന പ​ഴ​വർ​ഗ​മാ​ണിത്. മൂ​ട്ടി​പ്പു​ളി, മൂ​ട്ടി​കാ​യ്​പൻ, കു​ന്ത​പ്പ​ഴം എ​ന്നീ പേ​രു​ക​ളി​ലാ​ണ് പ്രാ​ദേശി​ക​മാ​യി അറിയപ്പെ​ടു​ന്ന​ത്. മ​ര​ത്തി​ന്റെ താ​യ്​ത്ത​ടി​യിൽ മാ​ത്ര​മാ​ണ് കാ​യ്​കൾ ഉ​ണ്ടാ​കു​ക. ഒ​രു കാ​ല​ത്ത് ആദിവാ​സി​കൾ മാ​ത്രം ഉ​പ​യോ​ഗി​ച്ചി​രു​ന്ന ഫ​ലം സാ​ധാ​ര​ണ​ക്കാർ​ക്ക് ല​ഭി​ച്ചുതു​ട​ങ്ങി​യി​ട്ട് എ​റെ​ക്കാലമായി​ട്ടി​ല്ല. ക​ട്ടി​യു​ള്ള പു​റം തൊ​ലി​യും വി​ത്തി​ന് ചു​റ്റു​മു​ള്ള മാം​സ​ള​മാ​യ ഭാ​ഗ​വുമാ​ണ് ഉള്ളത്. തോ​ട് അ​ച്ചാ​ർ ഇടാനും ഉ​പ​യോ​ഗി​ക്കു​ന്നു​ണ്ട്.

പ​ശ്ചി​മ​ഘ​ട്ട​ത്തി​ലെ ഫ​ല​വൃ​ക്ഷം

പ​ശ്ചി​മ​ഘ​ട്ട​ത്തി​ലെ ത​ന​ത് സ്​പീ​ഷ്യ​സിൽ​പെ​ട്ട ഫ​ല​വൃ​ക്ഷ​മാ​ണ് മൂ​ട്ടി​മ​രം. ബ​ക്കൗ​റി​യ കോ​റി​ട്ടി​ലെൻ​സി​സ് എ​ന്ന ശാ​സ്​ത്രീ​യ​നാ​മ​ത്തി​ലാ​ണ് അ​റി​യ​പ്പെ​ടു​ന്ന​ത്. ഉ​ദ​ര സം​ബ​ദ്ധ​മാ​യ വി​വി​ധ രോ​ഗ​ങ്ങൾ​ക്ക് ഗു​ണ​ക​ര​മാ​ണെ​ന്ന് പ​ഴ​മ​ക്കാർ പറയുന്നു. ജ​ലാം​ശം കൂ​ടു​തലുള്ള​തി​നാൽ വി​റ്റാ​മിൻ, പ്രോ​ട്ടീൻ എ​ന്നി​വ കൂ​ടു​തലായുണ്ട്.

നി​ത്യ​ഹ​രി​ത​വ​ന​ങ്ങ​ളിൽ മാ​ത്ര​മാ​ണ് മൂ​ട്ടി​മ​രം കാണാ​റു​ള്ള​ത്. വ​ന​മേ​ഖ​ല​യി​ലെ അ​പൂർവം ചി​ല വീ​ടു​ക​ളി​ലും മൂ​ട്ടി​മ​ര​ങ്ങളുണ്ട്. ഉൾ​ക്കാ​ടു​ക​ളിൽ ധാ​രാ​ളം മൂ​ട്ടി മ​ര​ങ്ങൾ ഉ​ള്ള​താ​യി വ​ന​വാ​സി​കൾ പ​റ​യു​ന്നു.