ലോക്ക് ഡൗൺകാലം ഫോട്ടോഷൂട്ടുകളുടേയും കാലമായിരുന്നു. നിരവധി താരങ്ങൾ വീണുകിട്ടിയ അവസരം ഫോട്ടോഷൂട്ടുകൾക്കായി പ്രയോജനപ്പെടുത്തി. ആ ചിത്രങ്ങളെല്ലാം തന്നെ നിമിഷനേരം കൊണ്ട് സോഷ്യൽ മീഡിയയിൽ വൈറൽ ആകുകയും ചെയ്തു. ഇപ്പോൾ നടി സ്വാസിക തന്റെ ഫോട്ടോ ഷൂട്ട് ചിത്രങ്ങൾ പങ്കുവയ്ക്കുകയാണ് സോഷ്യൽ മീഡിയയിലൂടെ.

കറുത്ത സാരിയിൽ സുന്ദരിയായി എത്തിയ താരത്തിന്റെ ഫോട്ടോഷൂട്ട് ചിത്രങ്ങൾ പകർത്തിയിരിക്കുന്നത് ജോർജുകുട്ടിയാണ്. കറുത്ത വളകളും, വലിയ പൊട്ടും കുത്തി തനിനാടൻ രീതിയിലാണ് സ്വാസിക എത്തിയിരിക്കുന്നത്. സിനിമയിലായാലും സീരിയലിലായാലും ആളുകൾക്ക് പ്രിയപ്പെട്ട താരമാണ് സ്വാസിക. കുറേ സിനിമകളിൽ സ്വാസിക ശ്രദ്ധിക്കപ്പെട്ടു എങ്കിലും മിനിസ്ക്രീനിലെ കഥാപാത്രങ്ങളാണ് താരത്തിന് ഏറെ പ്രേക്ഷകപിന്തുണ നേടി കൊടുത്തത്.

കട്ടപ്പനയിലെ ഹൃതിക് റോഷൻ ,​ പൊറിഞ്ചു മറിയം ജോസ്, ഇട്ടിമാണി മെയ്ഡ് ഇൻ ചൈന എന്നീ ചിത്രങ്ങളിലും സ്വാസിക പ്രധാന വേഷങ്ങൾ അവതരിപ്പിച്ചിരുന്നു.നടി എന്നതിൽ ഉപരി നർത്തകി കൂടിയാണ് സ്വാസിക.താരത്തിന്റെ പുതിയ ഫോട്ടോഷൂട്ട് ചിത്രങ്ങൾക്ക് നിരവധി ലൈക്കുകളും കമന്റുകളുമാണ് ലഭിക്കുന്നത്. മൂവാറ്റുപുഴയിലെ വീട്ടുപരിസരം തന്നെയാണ് ഫോട്ടോഷൂട്ടിന്റെ ലൊക്കേഷൻ.