തൃശൂർ: ലോക്ക്ഡൗൺ നിയന്ത്രണങ്ങളിൽ ഇളവ് നൽകിയ ശേഷം ഗുരുവായൂർ ക്ഷേത്രത്തിൽ ഇന്ന് മുതൽ വീണ്ടും വിവാഹച്ചടങ്ങുകൾ നടക്കും. ഇന്ന് ആറ് വിവാഹങ്ങളാണ് ബുക്ക് ചെയ്തിട്ടുള്ളത്. കൊവിഡ് പ്രതിരോധത്തിന്റെ ഭാഗമായുള്ള സുരക്ഷയെ മുൻനിറുത്തി ക്ഷേത്രത്തിൽ ഭക്തർക്ക് പ്രവേശനം അനുവദിച്ചിരുന്നില്ല. വിവാഹം താത്കാലികമായി നിറുത്തിവയ്ക്കുകയും ചെയ്തിരുന്നു. ലോക്ക്ഡൗണിൽ ഇളവുകൾ വരുത്തിയതോടെയാണ് ഗുരുവായൂർ ക്ഷേത്രത്തിൽ വിവാഹം സർക്കാർ അനുമതി നൽകിയത്.

ഇന്നലെ മുതൽ വിവാഹം നടത്താനാണ് ദേവസ്വം തീരുമാനിച്ചത്. ആദ്യ ദിവസം വിവാഹങ്ങൾക്ക് ആരും രജിസ്റ്റർ ചെയ്തില്ല. മൂന്ന് മാസം വരെ വിവാഹം മുൻകൂട്ടി ബുക്ക് ചെയ്യാം. ഇത് വരെ 55 വിവാഹം ബുക്ക് ചെയ്ത് കഴിഞ്ഞുവെന്ന് ദേവസ്വം അഡ്മിനിസ്‌ട്രേറ്റർ വി.വി ശിശിർ അറിയിച്ചു. ഒരു വിവാഹത്തിൽ 50 പേർക്ക് വരെ പങ്കെടുക്കാം. പരമാവധി 60 വിവാഹം ഒരു ദിവസം നടത്താനാണ് അനുമതി. ക്ഷേത്രത്തിലേക്കുള്ള പ്രവേശനം നിറുത്തിവെച്ചിരുന്നത് കഴിഞ്ഞ ദിവസങ്ങളിലെ ഇളവ് ലഭിച്ചതിനെ തുടർന്ന് മാറ്റം വരുത്തിയിരുന്നു. ക്ഷേത്രനട വരെ ചെന്ന് തൊഴാൻ ഭക്തരെ ഇപ്പോൾ അനുവദിക്കും