എരുമപ്പെട്ടി: നിറുത്തിവച്ചിരിക്കുകയായിരുന്ന മരത്തംകോട്, കരിയന്നൂർ, വേലൂർ, സബ് സെന്ററുകൾ കെ.എസ്.ഇ.ബി പുനഃസ്ഥാപിച്ചു. കുന്നംകുളം നിയോജക മണ്ഡലത്തിലെ മരത്തംകോട്, കരിയന്നൂർ, വേലൂർ കെ.എസ്.ഇ.ബി സബ് സെന്ററുകൾ മാറ്റാനുള്ള നീക്കമാണ് കെ.എസ്.ഇ.ബി ഉപേക്ഷിച്ചത്. മന്ത്രി എ.സി. മൊയ്തീൻ വൈദ്യുതി മന്ത്രിക്ക് നൽകിയ കത്തിന്റെ അടിസ്ഥാനത്തിലാണ് നടപടി.

കടങ്ങോട്, എരുമപ്പെട്ടി, വേലൂർ ഗ്രാമപഞ്ചായത്തുകളിലെയും വടക്കാഞ്ചേരി മുനിസിപ്പാലിറ്റിയിലെ മുണ്ടത്തിക്കോട് ഭാഗത്തെ 5 ഡിവിഷനുകളിലെയും പതിനായിരത്തിലധികം ഉപഭോക്താക്കൾക്ക് പ്രയോജനപ്പെടുന്ന ഈ സബ് സെന്ററുകൾ വടക്കാഞ്ചേരി, കുന്നംകുളം, സെക്‌ഷനുകുളമായി യോജിപ്പിക്കാനായിരുന്നു തീരുമാനം. പ്രദേശവാസികൾക്ക് ഏറെ ബുദ്ധിമുട്ടുണ്ടാക്കുന്ന തീരുമാനമാണ് മന്ത്രിയുടെ ഇടപെടലിലൂടെ തിരുത്തിയത്.