തൃശൂർ: കൊവിഡ് രോഗികൾക്കായി ഗവ. മെഡിക്കൽ കോളേജ് നെഞ്ചുരോഗാശുപത്രിയിൽ സൗകര്യം ഏർപ്പെടുത്തും. നെഞ്ചുരോഗാശുപത്രിയിലെ സി ബ്ലോക്കിൽ കൊവിഡ് രോഗികൾക്കായി150 കിടക്കകൾ സജ്ജീകരിക്കും. മെഡിക്കൽ കോളേജ് കൊവിഡ് ബ്ലോക്കിൽ നിലവിൽ 177 കിടക്കകളാണുള്ളത്.

മെഡിക്കൽ കോളേജ് പ്രിൻസിപ്പൽ ഡോ. എം. എ. ആൻഡ്രൂസിന്റെ അദ്ധ്യക്ഷതയിൽ ചേർന്ന മെഡിക്കൽ ബോർഡിന്റേതാണ് തീരുമാനം. കൂടുതൽ രോഗികളെത്തിയാൽ 3, 9, 13 വാർഡുകൾ നവീകരിക്കാൻ പൊതുമരാമത്തു വകുപ്പിന് അടിയന്തര നിർദ്ദേശം നൽകും. ഈ വാർഡുകളിലെ ഡെന്റൽ കോളേജിന്റെ സാമഗ്രികൾ നീക്കം ചെയ്യാൻ നെഞ്ചുരോഗാശുപത്രി സൂപ്രണ്ടിന് നിർദ്ദേശം നൽകി. ക്ഷയരോഗികൾക്കുള്ള കിടത്തിച്ചികിത്സാ കിടക്കകൾ പുനക്രമീകരിക്കും.