തൃശൂർ: രണ്ട് ട്രെയിനുകളിലായി ഇന്നലെ ജില്ലയിൽ എത്തിയത് 78 പേർ. മുംബയ് - തിരുവനന്തപുരം ലോക് മാന്യ തിലകിൽ 47 പേരും മംഗള ലക്ഷദ്വീപ് സൂപ്പർ ഫാസ്റ്റിൽ 31 പേരുമാണ് എത്തിയത്. മുംബയ് ട്രെയിനിൽ തൃശൂർ ജില്ലയിലെ 41 പേരും പാലക്കാട് ജില്ലയിലെ 6 പേരുമാണ് ഉണ്ടായിരുന്നത്. ഇവരിൽ 46 പേരെ ഹോം ക്വാറന്റൈനിലും ഒരാളെ കൊവിഡ് കെയർ സെന്ററിലുമാക്കി. ജില്ലയിലെത്തിയ 41 പേരിൽ ചാവക്കാട് - 5, കൊടുങ്ങല്ലൂർ - 4, മുകുന്ദപുരം - 6, തലപ്പിള്ളി - 3, തൃശൂർ - 16, ചാലക്കുടി - 6, കുന്നംകുളം - 1 എന്നിങ്ങനെയാണ് താലൂക്ക് അടിസ്ഥാനത്തിലുള്ള യാത്രക്കാർ.

മംഗള ലക്ഷദ്വീപ് സൂപ്പർ ഫാസ്റ്റിൽ ജില്ലയിലെ 22 പേരെത്തി. ഇവർക്കൊപ്പം പാലക്കാട് ജില്ലയിലെ രണ്ടു പേരും, എറണാകുളം ജില്ലയിലെ മൂന്ന് പേരും, തമിഴ്‌നാട്ടിൽ നിന്നുള്ള നാലു പേരുമുണ്ടായി. ഇതിൽ 28 പേരെ ഹോം ക്വാറന്റൈനിലും ഒരാളെ കൊവിഡ് കെയർ സെന്ററിലുമാക്കി. രോഗ ലക്ഷണം പ്രകടിപ്പിച്ച രണ്ടു പേരെ കൊവിഡ് ആശുപത്രിയിലാക്കി. ജില്ലയിലെ 22 പേരിൽ കൊടുങ്ങല്ലൂർ - 2, മുകുന്ദപുരം - 6, തലപ്പിള്ളി - 2, തൃശൂർ - 9, ചാലക്കുടി - 3, എന്നിങ്ങനെയാണ് താലൂക്ക് അടിസ്ഥാനത്തിലുള്ള യാത്രക്കാർ.