തൃശൂർ: രണ്ട് ട്രെയിനുകളിലായി ഇന്നലെ ജില്ലയിലെത്തിയത് 96 പേർ. മുംബയ് - തിരുവനന്തപുരം ലോക് മാന്യ തിലകിൽ 67പേരും മംഗള ലക്ഷദ്വീപ് സൂപ്പർ ഫാസ്റ്റിൽ 29 പേരുമാണ് എത്തിയത്. മുംബയ് ട്രെയിനിൽ തൃശൂർ ജില്ലയിലെ 62 പേരാണുണ്ടായത്. പാലക്കാട്ടേക്കുള്ള അഞ്ച് പേരുമുണ്ടായിരുന്നു. ജില്ലയിൽ എത്തിയ 61 പേരെ ഹോം ക്വാറന്റൈനിലും, ഒരാളെ കൊവിഡ് കെയർ സെന്ററിലുമാക്കി. മംഗള ലക്ഷദ്വീപ് സൂപ്പർ ഫാസ്റ്റിൽ ജില്ലയിലെ 24 പേരെത്തി. പാലക്കാട് ജില്ലയിലെ അഞ്ച് പേരുമുണ്ടായി. ഇതിൽ 29 പേരെയും ഹോം ക്വാറന്റൈനിലാക്കി.