തൃശൂർ: ജില്ലയിൽ ഏഴ് പേർക്ക് കൂടി കൊവിഡ് സ്ഥിരീകരിച്ചു. ആറ് പുരുഷൻമാരും ഒരു സ്ത്രീയും ഉൾപ്പെടെ ഇന്നലെ രോഗം സ്ഥിരീകരിച്ച എല്ലാവരും വിദേശത്ത് നിന്നും ഇതരസംസ്ഥാനങ്ങളിൽ നിന്നുമായി തിരിച്ചെത്തിയവരാണ്. 3 പേർ രോഗമുക്തരായി. കൊവിഡ് ബാധിച്ച 139 പേർ ആശുപത്രികളിലുണ്ട്. തൃശൂർ സ്വദേശികളായ 11 പേർ മറ്റു ജില്ലകളിലെ ആശുപത്രികളിലുണ്ട്. ജില്ലയിൽ 12282 പേരാണ് നിരീക്ഷണത്തിലുളളത്. 5992 സാമ്പിളുകൾ പരിശോധനയ്ക്ക് അയച്ചതിൽ 4690 സാമ്പിളുകളുടെ ഫലം വന്നു. 1302 എണ്ണത്തിന്റെ ഫലം ലഭിക്കാനുണ്ട്. വിവിധ മേഖലയിലുളള 2132 ആളുകളുടെ സാമ്പിളുകളും പരിശോധനയ്ക്ക് അയച്ചു.

രോഗം സ്ഥിരീകരിച്ചത്

ജൂൺ നാലിന് മുംബയിൽ നിന്ന് തിരിച്ചെത്തിയ അടാട്ട് സ്വദേശി (53), ആറിന് ബഹറിനിൽ നിന്ന് തിരിച്ചെത്തിയ കൂർക്കഞ്ചേരി സ്വദേശിനി (47), 10 ന് കുവൈറ്റിൽ നിന്ന് തിരിച്ചെത്തിയ ഒല്ലൂക്കര സ്വദേശി (53), 12ന് കുവൈറ്റിൽ നിന്ന് തിരിച്ചെത്തിയ കുന്നംകുളം സ്വദേശി (46), ആനന്ദപുരം സ്വദേശി (52), എട്ടിന് മുംബയിൽ നിന്ന് തിരിച്ചെത്തിയ കുമാരനെല്ലൂർ സ്വദേശി (42), 11ന് ഗുജറാത്തിൽ നിന്ന് തിരിച്ചെത്തിയ മുണ്ടൂർ സ്വദേശി (52) എന്നിവർക്കാണ് രോഗം സ്ഥിരീകരിച്ചത്.

ഇന്നലെ ജില്ലയിൽ

ഇന്നലെ ആശുപത്രിയിൽ പ്രവേശിപ്പിച്ചത്- 14 പേർ

ആശുപത്രി വിട്ടത്- 13 പേർ

പുതുതായി നിരീക്ഷണത്തിൽ - 911 പേർ

നിരീക്ഷണത്തിൽ നിന്നും ഒഴിവാക്കിയത്- 1038 പേർ

ജില്ലാ കൺട്രോൾ സെല്ലിൽ ലഭിച്ചത്- 544 കോളുകൾ

കൗൺസലിംഗ് നൽകിയത്- 162 പേർക്ക്

വിവിധയിടങ്ങളിൽ സ്ക്രീൻ ചെയ്തത്- 648 പേരെ