തൃശൂർ: സംസ്ഥാനത്ത് ഏറ്റവും കൂടുതൽ പേർക്ക് ഇന്നലെ കൊവിഡ് സ്ഥിരീകരിച്ചത് തൃശൂരിൽ . 16 പേർക്ക് രോഗം സ്ഥിരീകരിച്ചപ്പോൾ മൂന്ന് പേർക്ക് സമ്പർക്കം വഴിയാണ് രോഗം പിടിപെട്ടത്. 37 പേർ രോഗമുക്തരായി.

ജില്ലയിൽ ഇതുവരെയുള്ള കണക്കനുസരിച്ച് ആകെ 272 കൊവിഡ് 19 പൊസിറ്റീവ് കേസുകളാണ് റിപ്പോർട്ട് ചെയ്തത്. അതിൽ 160 പേർ സുഖം പ്രാപിച്ച് ആശുപത്രി വിട്ടു. നിലവിൽ രോഗം സ്ഥിരീകരിച്ച 89 പേരാണ് ചികിത്സയിൽ കഴിയുന്നത്. എറണാകുളം 3, മലപ്പുറം 3, കണ്ണൂർ 2 എന്നിങ്ങനെ ആകെ 8 പേരാണ് മറ്റു ജില്ലകളിലായി ചികിത്സയിൽ കഴിയുന്നത്.

വീടുകളിൽ14,618 പേരും ആശുപത്രികളിൽ 132 പേരും ഉൾപ്പെടെ 14,750 പേരാണ് നിരീക്ഷണത്തിൽ കഴിയുന്നത്. 16 പേരെ ആശുപത്രിയിൽ പുതുതായി പ്രവേശിപ്പിച്ചിട്ടുണ്ട്. ആശുപത്രിയിൽ നിരീക്ഷണത്തിൽ കഴിഞ്ഞിരുന്ന 52 പേർ രോഗമുക്തരായി. നിരീക്ഷണത്തിൽ കഴിയുന്നവരുടെ പട്ടികയിൽ 1,446 പേരെയാണ് പുതുതായി ചേർത്തത്. 905 പേരെയാണ് നിരീക്ഷണ കാലഘട്ടം പൂർത്തീകരിച്ചതിനെ തുടർന്ന് വിട്ടത്. ആകെ 7,492 സാംപിളുകളാണ് പരിശോധനയ്ക്ക് അയച്ചത്. 726 സാംപിളുകളുടെ പരിശോധനാ ഫലം ലഭിക്കാനുണ്ട്. പരിശോധിച്ചതിൽ ആകെ 6,507 നെഗറ്റീവ് റിസൽറ്റും 259 പൊസിറ്റീവ് റിസൽറ്റുമാണുള്ളത്.

രോഗബാധിതർ ഇവ

ജൂൺ 15ന് പശ്ചിമ ബംഗാളിൽ നിന്ന് വന്ന ചാലക്കുടി സ്വദേശി ( 22 വയസ്, പുരുഷൻ), 4ന് ദുബായിൽ നിന്ന് വന്ന മാള സ്വദേശി (58 , സ്ത്രീ), 9ന് ഗുജറാത്തിൽ നിന്ന് വന്ന ഇരിങ്ങാലക്കുട സ്വദേശി (51 , പുരുഷൻ), 8ന് ഖത്തറിൽ നിന്ന് വന്ന പൂമംഗലം സ്വദേശി (24, പുരുഷൻ), 5ന് ആഫ്രിക്കയിൽ നിന്ന് വന്ന വെള്ളാങ്കല്ലൂർ സ്വദേശി (39 , പുരുഷൻ), 11ന് കുവൈറ്റിൽ നിന്ന് വന്ന കാട്ടൂർ സ്വദേശി (43 , പുരുഷൻ), 2ന് ചെന്നൈയിൽ നിന്ന് വന്ന വെള്ളാങ്കല്ലൂർ സ്വദേശി (38, പുരുഷൻ), 11ന് കുവൈറ്റിൽ നിന്ന് വന്ന വരന്തരപ്പിള്ളി സ്വദേശി (30 , സ്ത്രീ), 16ന് അബുദാബിയിൽ നിന്ന് വന്ന കൊടുങ്ങല്ലൂർ സ്വദേശി (28 , പുരുഷൻ), 6ന് ബഹ്റിനിൽ നിന്ന് വന്ന തൃശൂർ സ്വദേശി (60 , പുരുഷൻ), 12ന് കുവൈറ്റിൽ നിന്ന് വന്ന കൊടുങ്ങല്ലൂർ സ്വദേശി (29 , സ്ത്രീ), 05ന് ഒമാനിൽ നിന്ന് വന്ന കൊടുങ്ങല്ലൂർ സ്വദേശി (36 , പുരുഷൻ), 14ന് ഡൽഹിയിൽ നിന്ന് വന്ന ചാലക്കുടി സ്വദേശി (43 , പുരുഷൻ), പൂമംഗലം സ്വദേശി (45 , പുരുഷൻ), വെള്ളാങ്കല്ലൂർ സ്വദേശി (46 , സ്ത്രീ) , തൃശൂർ സ്വദേശി (40 , പുരുഷൻ) എന്നിവർക്കാണ് രോഗം സ്ഥിരീകരിച്ചത്.