തൃശൂർ: കൊവിഡ് രോഗികളുടെ എണ്ണം വർദ്ധിച്ചതിനെ തുടർന്ന് ഒ.പി വിഭാഗത്തിലെ തിരക്ക് കുറയ്ക്കുന്നതിനും സാമൂഹിക അകലം പാലിക്കുന്നതിനും ക്രമീകരണം ഏർപ്പെടുത്തി. നിലവിലെ മെഡിസിൻ, പൾമണോളജി, പീഡിയാട്രിക്‌സ്, സൈക്യാട്രി എന്നീ വിഭാഗങ്ങളുടെ ഒ.പി സേവനങ്ങൾ നെഞ്ച് രോഗാശുപത്രിക്ക് പിന്നിലുളള ചൈൽഡ് ഹെൽത്ത് ഇൻസ്റ്റിറ്റ്യൂട്ടിലേക്കും സൈക്യാട്രി ഒ.പി സേവനം ജെറിയാട്രിക് കെയർ സെന്ററിലേക്കും മാറ്റും. ജൂൺ 24 മുതൽ പുതിയ ക്രമീകരണം നിലവിൽ വരും. ഒ.പി ടിക്കറ്റ്, രക്തപരിശോധന, ഇ.സി.ജി, ഫാർമസി മുതലായവ സേവനം ഇവിടെ ലഭിക്കും. ഇവിടേക്കുളള രോഗികൾ നേരിട്ട് പുതിയ ഒ.പിയിലേക്ക് എത്തണമെന്ന് പ്രിൻസിപ്പൽ അറിയിച്ചു.