തൃശൂർ: ഇന്നലെ രണ്ട് സ്‌പെഷ്യൽ ട്രെയിനുകളിലായി ജില്ലയിലെത്തിയത് 58 പേർ. മുംബയ് - തിരുവനന്തപുരം ലോക്മാന്യ തിലകിൽ 40 പേരും മംഗള ലക്ഷദ്വീപ് സൂപ്പർ ഫാസ്റ്റിൽ 18 പേരുമാണ് എത്തിയത്. മുംബയ് ട്രെയിനിൽ ജില്ലയിലെ 29 പേരാണുണ്ടായത്. പാലക്കാട്ടേക്കുള്ള 5 പേരുമെത്തി. ഇതര ജില്ലകളിലുള്ള നാല് പേരും തമിഴ്‌നാട്ടിലേക്കുള്ള രണ്ട് പേരും ഉണ്ടായിരുന്നു. ഇതിൽ 33 പേരെ ഹോം ക്വാറന്റൈനിലും ഒരാളെ കൊവിഡ് കെയർ ആശുപത്രിയിലുമാക്കി. മംഗള ലക്ഷദ്വീപ് സൂപ്പർ ഫാസ്റ്റിൽ ജില്ലയിലെ 12 പേരെത്തി. പാലക്കാട് ജില്ലയിലുള്ള മൂന്ന് പേരും തമിഴ്‌നാട്ടിലേക്കുള്ള 2 പേരുമുണ്ടായി. ഇതര ജില്ലയിലേക്ക് ഒരാളുമെത്തി. ഇതിൽ 15 പേരെ ഹോം ക്വാറന്റൈനിലാക്കി.