ബാലരാമപുരം:നാല് ശതമാനം സ്വർണപണയ കാർഷിക വായ്പ അടിയന്തരമായി പുനഃസ്ഥാപിക്കാൻ അധികാരികൾ തയ്യാറാകണമെന്ന് മുൻ സ്പീക്കർ എൻ.ശക്തൻ അഭിപ്രായപ്പെട്ടു.കാർഷിക മേഖലയിലെ വിവിധ ആവശ്യങ്ങൾ ഉന്നയിച്ച് കേരള കോൺഗ്രസ് (എം) കാട്ടാക്കട നിയോജക മണ്ഡലം കമ്മിറ്റി പള്ളിച്ചൽ വില്ലേജ് ഓഫീസിനു മുന്നിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം.നിയോജക മണ്ഡലം പ്രസിഡന്റ് വെളിയംകോട് അഗസ്റ്റിൻ അദ്ധ്യക്ഷത വഹിച്ചു.ജില്ലാ സെക്രട്ടറി സി.ആർ.സുനു,പഞ്ചായത്തംഗം അംബികാദേവി, ജോസ് പ്രകാശ്, പാപ്പനംകോട് ജയചന്ദ്രൻ,കോൺഗ്രസ് പള്ളിച്ചൽ മണ്ഡലം പ്രസിഡന്റ് ഭഗവതിനട ശിവകുമാർ, കേരള കോൺഗ്രസ് മണ്ഡലം പ്രസിഡന്റ് മലവിള വിജയൻ,താന്നിവിള ബിനു,ഷിബു. ആർ.എസ് നായർ,ടി.അജിത് കുമാർ,മുടവൂർപ്പാറ വിജയൻ എന്നിവർ സംസാരിച്ചു.