ബാലരാമപുരം: കഴിഞ്ഞ ദിവസങ്ങളിൽ പെയ്ത കനത്ത മഴയിൽ ബാലരാമപുരം,​ കല്ലിയൂർ പഞ്ചായത്തുകളിൽ വ്യാപക നാശനഷ്ടമുണ്ടായി. തോരാതെ പെയ്ത മഴയിൽ നേമം ബ്ലോക്കിലെ പൂങ്കോട് ഡിവിഷനിൽ വെടിവെച്ചാൻകോവിൽ,​ മൈങ്കല്ലിയൂർ,​ ഭഗവതിനട പ്രദേശങ്ങളിലെ നിരവധി വീടുകൾ അപകടാവസ്ഥയിലായി. ഭഗവതിനട പാൽസൊസൈറ്രിക്ക് സമീപം വീടിന്റെ മതിൽ പൂർണമായും തകർന്നു. കൂടാതെ ഈ പ്രദേശത്ത് ഓട നിർമ്മാണത്തിനായി മണ്ണ് നീക്കം ചെയ്തത് കുഴികൾ രൂപപ്പെട്ടതിനാൽ ഓടയുടെ സമീപത്തെ വീടുകളെല്ലാം അപകട ഭീഷണി നേരിടുകയാണ്. വെടിവെച്ചാൻകോവിലിൽ മൈങ്കല്ലിയൂർ കനാൽ ബണ്ട് പൊട്ടി നടപ്പാത തകർന്നു. നടപ്പാതയ്ക്ക് സമീപത്തെ വീടുകളും അപകടാവസ്ഥയിലാണ്. മുടവൂർപ്പാറ ദിലീപ് റോഡിൽ ഇന്റർലോക്ക് സംവിധാനത്തിലെ പിഴവ് കാരണം കനത്ത വെള്ളക്കെട്ടുണ്ടായി. സമീപത്തെ വീടുകളിലെ കിണറുകളും ഡ്രെയിനേജും തകർന്നു. വെടിവെച്ചാൻകോവിൽ മൈങ്കല്ലിയൂരിൽ സതികുമാരി,​ ഭഗവതിനട സരസ്വതിഭവനത്തിൽ കൃഷ്ണൻനായർ,​ മൈങ്കല്ലിയൂർ താഴത്ത് വീട്ടിൽ ശ്രീകുമാരി,​ മുടവൂർപ്പാറ ദിലീപ് റോഡിൽ ബിനു എന്നിവരുടെ വീടുകൾക്ക് നാശനഷ്ടം സംഭവിച്ചു. നേമം ബ്ലോക്ക് പൂങ്കോട് ഡിവിഷൻ മെമ്പർ എസ്. വീരേന്ദ്രകുമാർ,​ പള്ളിച്ചൽ വില്ലേജ് ഓഫീസർ ആൽബി,​ സ്പെഷ്യൽ വില്ലേജ് ഓഫീസർ അനിൽ,​ ക്ലാർക്ക് ശൈലേന്ദ്രൻ,​ വാർഡ് മെമ്പർ ചിത്ര എന്നിവർ മഴക്കെടുതി നേരിട്ട സ്ഥലങ്ങൾ സന്ദർശിച്ചു. കല്ലിയൂരിൽ ആറാട്ട് കടവ് തോട് കരകവിഞ്ഞ് 15ഓളം വീടുകളിൽ വെള്ളം കയറി. ബണ്ട് റോഡും അപകടാവസ്ഥയിലാണ്. തോട്ടിലെ വെള്ളത്തിന്റെ കുത്തൊഴുക്ക് കൂടുതൽ വീടുകളിലേക്ക് വെള്ളം കയറാനുള്ള സാദ്ധ്യതയും വർദ്ധിപ്പിച്ചിരിക്കുകയാണ്. ജനങ്ങളുടെ സുരക്ഷ ഉറപ്പ് വരുത്തണമെന്ന് ഉദ്യോഗസ്ഥർക്ക് നിർദ്ദേശം നൽകിയതായി അഡ്വ.എം.വിൻസെന്റ് എം.എൽ.എ അറിയിച്ചു.

സെപ്റ്റിക് ടാങ്ക് തക‌ർന്ന് കാറും ഇരുചക്രവാഹനങ്ങളും ടാങ്കിനുള്ളിലകപ്പെട്ടു

ബാലരാമപുരത്ത് വീടിന് മുന്നിലെ സെപ്റ്റിക് ടാങ്ക് തകർന്ന് കാറും രണ്ട് ബൈക്കുകളും കുഴിയിലകപ്പെട്ടു. പരുത്തിത്തോപ്പ് അനിത നിവാസിൽ ബഷീറിന്റെ വീട്ടിലാണ് സംഭവം. രാത്രിയിൽ പെയ്ത കനത്ത മഴയിൽ കാർപോർച്ചിലെ സെപ്റ്റിക് ടാങ്കിന്റെ വശങ്ങളിലെ മണ്ണ് ഇടിഞ്ഞ് വാഗനർ കാറും ബൈക്കുകളും ടാങ്കിനുള്ളിൽ വീണു. നാട്ടുകാരുടെ നേതൃത്വത്തിൽ ഒരു മണിക്കൂറോളം നീണ്ട രക്ഷാപ്രവർത്തനത്തിനൊടുവിൽ കയർ കെട്ടി കാറും ബൈക്കുകളും കുഴിയിൽ നിന്നും കരയ്ക്കെത്തിച്ചു. സംഭവമറിഞ്ഞ് അഡ്വ.എം.വിൻസെന്റ് എം.എൽ.എയും സ്ഥലത്തെത്തിയിരുന്നു.

സർക്കാർ ഹെൽപ്പ് ലൈൻ ആരംഭിക്കണം

മഴക്കെടുതികൾ വർദ്ധിച്ചുവരുന്ന സാഹചര്യത്തിൽ ജില്ലയിൽ വിവിധ ഗ്രാമപഞ്ചായത്തുകളിലെ നാശനഷ്ടങ്ങൾ വിലയിരുത്താൻ ഉദ്യോഗസ്ഥരെ ചുമതലപ്പെടുത്തണം. ഓരോ പഞ്ചായത്തുകളിലെയും മഴക്കെടുതികൾ വിലയിരുത്താനും ജനങ്ങളുടെ സുരക്ഷ ഉറപ്പ് വരുത്താനും സർക്കാർ ഹെൽപ്പ് ലൈൻ ആരംഭിക്കണം- അഡ്വ.എം.വിൻസെന്റ് എം.എൽ.എ

മ​ഴ​ക്കാ​ല​മാ​യാ​ൽ​ ​റോ​ഡ് ​വെ​ള്ള​ത്തി​ന​ടി​യിൽ

വി​തു​ര​:​ ​പൊ​ന്മു​ടി​-​നെ​ടു​മ​ങ്ങാ​ട് ​സം​സ്ഥാ​ന​ ​പാ​ത​യി​ലെ​ ​തൊ​ളി​ക്കോ​ട് ​തോ​ട്ടു​മു​ക്കി​ൽ​ ​നി​ന്നും​ ​ക​ന്നു​കാ​ലി​ ​വ​നം​ ​മേ​ഖ​ല​യി​ലേ​ക്കു​ള്ള​ ​റോ​ഡ് ​മ​ഴ​ക്കാ​ല​മാ​യാ​ൽ​ ​വെ​ള്ള​ത്തി​ന​ടി​യി​ലാ​ണ്.​ ​തൊ​ളി​ക്കോ​ട് ​പ​ഞ്ചാ​യ​ത്തി​ലെ​ ​തോ​ട്ടു​മു​ക്ക് ​വാ​ർ​ഡി​ൽ​ ​ഉ​ൾ​പ്പെ​ടു​ന്ന​ ​ഈ​ ​റോ​ഡി​ലൂ​ടെ​യു​ള്ള​ ​കാ​ൽ​ന​ട​യാ​ത്ര​പോ​ലും​ ​റോ​ഡി​ൽ​ ​കെ​ട്ടി​ക്കി​ട​ക്കു​ന്ന​ ​വെ​ള്ളം​ ​കാ​ര​ണം​ ​ദു​രി​ത​പൂ​ർ​ണ​മാ​ണ്.​ ​ടാ​റി​ള​കി​ ​കു​ഴി​ക​ൾ​ ​നി​റ​ഞ്ഞ​ ​ഇ​വി​ടെ​ ​ഇ​രു​ച​ക്ര​വാ​ഹ​ന​ങ്ങ​ൾ​ ​അ​പ​ക​ട​ത്തി​ൽ​ ​പെ​ടു​ന്ന​തും​ ​പ​തി​വാ​ണ്ട്.​ ​റോ​ഡി​ന്റെ​ ​ഇ​രു​വ​ശ​ങ്ങ​ളി​ലും​ ​പ​ല​ഭാ​ഗ​ത്തും​ ​ഓ​ട​ ​നി​ർ​മ്മി​ച്ചി​ട്ടി​ല്ല​ ​എ​ന്ന​താ​ണ് ​റോ​ഡ് ​വെ​ള്ള​ത്തി​ൽ​ ​മു​ങ്ങാ​ൻ​ ​കാ​ര​ണ​മെ​ന്ന് ​പ്ര​ദേ​ശ​വാ​സി​ക​ൾ​ ​പ​റ​യു​ന്നു.​ ​ഇ​ത്ത​ര​ത്തി​ൽ​ ​റോ​ഡി​ൽ​ ​കെ​ട്ടു​ന്ന​ ​വെ​ള്ളം​ ​യാ​ത്ര​ക്കാ​രെ​ ​മാ​ത്ര​മ​ല്ല​ ​വ​ല​യ്ക്കു​ന്ന​ത്.​ ​റോ​ഡി​ന് ​സ​മീ​പ​ത്തെ​ ​വീ​ടു​ക​ളി​ലും​ ​​വെ​ള്ളം​ ​ക​യ​റും.​ ​ക​ഴി​ഞ്ഞ​ ​ദി​വ​സ​ങ്ങ​ളി​ൽ​ ​പെ​യ്ത​ ​ശ​ക്ത​മാ​യ​ ​മ​ഴ​യി​ൽ​ ​പ്ര​ദേ​ശ​ത്തെ​ ​പ​ല​ ​വീ​ടു​ക​ളി​ലും​ ​വെ​ള്ളം​ ​ക​യ​റി.​ ​ക​ന്നു​കാ​ലി​ ​വ​നം​ ​റൂ​ട്ടി​ലേ​ക്കു​ള്ള​ ​ഗ​താ​ഗ​ത​വും​ ​ത​ട​സ​പ്പെ​ട്ടു.​ ​റോ​ഡി​ന്റെ​ ​ദു​ര​വ​സ്ഥ​ ​ചൂ​ണ്ടി​ക്കാ​ട്ടി​ ​നി​ര​വ​ധി​ ​ത​വ​ണ​ ​അ​ധി​കാ​രി​ക​ൾ​ക്ക് ​നി​വേ​ദ​നം​ ​ന​ൽ​കി​യി​ട്ടു​ണ്ട്.​ ​ഇ​തി​ന്റെ​ ​പേ​രി​ൽ​ ​നി​ര​വ​ധി​ ​സ​മ​ര​ങ്ങ​ളും​ ​ഇ​വി​ടെ​ ​അ​ര​ങ്ങേ​റി​യി​ട്ടു​ണ്ട്.​ ​റോ​ഡി​ന് ​ഇ​രു​വ​ശ​ങ്ങ​ളി​ലു​മാ​യി​ ​ഓ​ട​ ​നി​ർ​മ്മി​ച്ച് ​റോ​ഡ് ​ടാ​ർ​ ​ചെ​യ്താ​ൽ​ ​പ്ര​ശ്ന​ത്തി​ന് ​പ​രി​ഹാ​ര​മാ​കും.​ ​ഇ​തി​നാ​യി​ ​നാ​ട്ടു​കാ​ർ​ ​ഒ​പ്പി​ട്ട​ ​നി​വേ​ദ​നം​ ​തൊ​ളി​ക്കോ​ട് ​പ​ഞ്ചാ​യ​ത്ത് ​അ​ധി​കാ​രി​ക​ൾ​ക്ക് ​ന​ൽ​കി​യി​ട്ടു​ണ്ട്.​ ​ന​ട​പ​ടി​ക​ൾ​ ​സ്വീ​ക​രി​ക്കാ​മെ​ന്ന​ ​ഉ​റ​പ്പ് ​അ​ധി​കാ​രി​ക​ൾ​ ​ന​ൽ​കി​യ​താ​യും​ ​ന​ട്ടു​കാ​ർ​ ​പ​റ​ഞ്ഞു.​ ​ന​ട​പ​ടി​ക​ൾ​ ​ഉ​ട​ൻ​ ​ആ​രം​ഭി​ച്ചി​ല്ലെ​ങ്കി​ൽ​ ​ക​ടു​ത്ത​ ​പ്ര​തി​ഷേ​ധ​ ​ന​ട​പ​ടി​ക​ളു​മാ​യി​ ​മു​ന്നോ​ട്ട് ​പോ​കു​മെ​ന്ന് ​നാ​ട്ടു​കാ​ർ​ ​അ​റി​യി​ച്ചു.