ദോഹ: കൊവിഡ് ബാധിച്ച് എറണാകുളം വൈറ്റില ജനതാ റോഡ് ബേവ്യൂവിൽ എം.എസ് മുരളീധരൻ (52) ഖത്തറിൽ മരിച്ചു. ദോഹയിൽ ഗ്ലോബൽ മീഡിയ നെറ്റ് വർക്ക് എന്ന പേരിൽ സ്വന്തമായി സ്ഥാപനം നടത്തി വരികയായിരുന്നു. പ്രമേഹബാധിതനായിരുന്ന ഇദ്ദേഹത്തിന് കൊവിഡ് സ്ഥിരീകരിച്ചതിനെ തുടർന്ന് ആദ്യം ഹോം കാറന്റീനിലായിരുന്നു. ശ്വസന സംബന്ധമായ പ്രയാസങ്ങളെ തുടർന്ന് ഹമദ് ആശുപത്രിയിൽ പ്രവേശിപ്പിക്കുകയും ചികിത്സയിലിരിക്കെ അന്ത്യം സംഭവിക്കുകയായിരുന്നു. ഭാര്യ സ്വപ്ന ഹമദ് ആശുപത്രിയിൽ ജീവനക്കാരിയാണ്. പ്ലസ്ടുവിന് പഠിക്കുന്ന മകനുണ്ട്.