ശ്രീ​ക​ണ്ഠ​പു​രം: കാ​ഞ്ഞി​ര​ക്കൊ​ല്ലി ശാ​ന്തി​ന​ഗ​റി​ൽ വീ​ട്ടു​മു​റ്റ​ത്ത് നി​ർ​ത്തി​യി​ട്ടി​രു​ന്ന ബൈ​ക്ക് ക​വ​ർ​ന്ന സം​ഭ​വ​ത്തി​ൽ മൂ​ന്നു​പേ​ർ പി​ടി​യി​ൽ.നി​ടി​യേ​ങ്ങ വേ​ളാ​യി​യി​ലെ പു​ല്ലാ​ഞ്ഞി സ​നു മ​നോ​ജ് (19), ത​ളി​പ്പ​റ​മ്പ് പ​ന്നി​യൂ​രി​ലെ ഇ​ട​ത്തി​ൽ ജി​തി​ൻ നാ​രാ​യ​ണ​ൻ (23), ശാ​ന്തി​ന​ഗ​ർ സ്വ​ദേ​ശി​യാ​യ പ​തി​നേ​ഴു​കാ​ര​ൻ എ​ന്നി​വ​രെ​യാ​ണ് പ​യ്യാ​വൂ​ർ എ​സ്.ഐ. പി.​സി. ര​മേ​ശ​നും സം​ഘ​വും ഇ​ന്നലെ പു​ല​ർ​ച്ചെ പി​ടി​കൂ​ടി​യ​ത്.ശാ​ന്തി​ന​ഗ​റി​ലെ എ​ൻ.​എ​സ്. വി​പി​ന്റെ സ്റ്റ​ണ്ടിം​ഗി​ന് ഉ​പ​യോ​ഗി​ക്കു​ന്ന ര​ണ്ടു ല​ക്ഷ​ത്തോ​ളം രൂ​പ വി​ല​വ​രു​ന്ന കെ​.എ​ൽ. 59 എ​സ് 8355 ഡ്യൂ​ക്ക് ബൈ​ക്കാ​ണ് ക​വ​ർ​ന്ന​ത്.ക​ഴി​ഞ്ഞ തി​ങ്ക​ളാ​ഴ്ച പു​ല​ർ​ച്ചെ​യാ​ണ് വീ​ട്ടു​മു​റ്റ​ത്ത് നി​ർ​ത്തി​യി​ട്ടി​രു​ന്ന ബൈ​ക്ക് മോ​ഷ​ണം പോ​യ​ത്. ബൈ​ക്ക് റൈ​സിം​ഗ് ക​മ്പ​മു​ള്ള ജി​തി​ൻ ഇ​ത്ത​ര​ത്തി​ലു​ള്ള ബൈ​ക്കി​നാ​യി സു​ഹൃ​ത്താ​യ സ​നു​വി​നെ സ​മീ​പി​ക്കു​ക​യാ​യി​രു​ന്നു. സ​നു​വും പ​തി​നേ​ഴു​കാ​ര​നാ​യ പ്ര​തി​യും ചേ​ർ​ന്നാ​ണ് ബൈ​ക്ക് ക​വ​ർ​ന്ന​ത്. തു​ട​ർ​ന്ന് ന​മ്പ​ർ പ്ലേ​റ്റ് മാ​റ്റി വ്യാ​ജ ന​മ്പ​ർ പ​തി​പ്പി​ച്ച് ജി​തി​ന്റെ നി​ർ​ദേ​ശ​പ്ര​കാ​രം പ​ന്നി​യൂ​രി​ലെ വി​ജ​ന​മാ​യ പ്ര​ദേ​ശ​ത്ത് ബൈ​ക്ക് എ​ത്തി​ക്കു​ക​യാ​യി​രു​ന്നു.

പൊ​ലീ​സ് അ​ന്വേ​ഷ​ണം ത​ങ്ങ​ളി​ലേ​ക്ക് എ​ത്തു​മെ​ന്ന സൂ​ച​ന ല​ഭി​ച്ച​തോ​ടെ ഇ​ന്നലെ പു​ല​ർ​ച്ചെ ബൈ​ക്ക് ശാ​ന്തി​ന​ഗ​റി​ലേ​ക്ക് കൊ​ണ്ടു​വ​രു​ന്ന​തി​നി​ടെ കാ​ഞ്ഞി​ര​ക്കൊ​ല്ലി​യി​ൽ വ​ച്ച് പൊ​ലീ​സ് സം​ഘം ബൈ​ക്ക് ത​ട​ഞ്ഞ് ഇവരെ പി​ടി​കൂ​ടു​ക​യാ​യി​രു​ന്നു.