തിരുവനന്തപുരം : ജില്ലയിൽ ഇന്നലെ പുതുതായി അഞ്ചുപേർക്ക് കൂടി രോഗം സ്ഥിരീകരിച്ചു. കുവൈറ്റിൽ നിന്ന് തിരുവനന്തപുരം വിമാനത്താവളം വഴി വന്ന ആലപ്പുഴ സ്വദേശിയായ പുരുഷൻ (59), കുവൈറ്റിൽ നിന്ന് വന്ന മുട്ടത്തറ സ്വദേശിയായ പുരുഷൻ (39), താജിക്കിസ്ഥാനിൽ നിന്ന് കണ്ണൂർ വിമാനത്താവളത്തിൽ എത്തിയ പള്ളിത്തുറ സ്വദേശിയായ സ്ത്രീ (18), കുവൈറ്റിൽ നിന്നു വന്ന നെടുമങ്ങാട് വിതുര സ്വദേശിയായ സ്ത്രീ (39), മുംബയിൽ നിന്ന് വന്ന കുളത്തൂർ സ്വദേശിയായ പുരുഷൻ (24) എന്നിവർക്കാണ് പുതുതായി രോഗം സ്ഥിരീകരിച്ചത്. ജില്ലയിൽ ഇന്നലെ 767 പേർ രോഗനിരീക്ഷണത്തിലായി. 306 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി.

10844പേർ വീടുകളിലും 1666 പേർ സ്ഥാപനങ്ങളിലും കരുതൽ നിരീക്ഷണത്തിലുണ്ട്. ജില്ലയിലെ ആശുപത്രികളിൽ ഇന്ന് രോഗലക്ഷണങ്ങളുമായി 42 പേരെ പ്രവേശിപ്പിച്ചു. 42 പേരെ ഡിസ്ചാർജ് ചെയ്തു. ജില്ലയിൽ ആശുപത്രികളിൽ 170 പേർ നിരീക്ഷണത്തിലുണ്ട്. ഇന്നലെ 376 സാമ്പിളുകൾ പരിശോധനയ്ക്കായി അയച്ചു. ഇന്ന് ലഭിച്ച 275 പരിശോധനാഫലങ്ങൾ നെഗറ്റീവാണ്. ജില്ലയിൽ 52 സ്ഥാപനങ്ങളിലായി 1666പേർ നിരീക്ഷണത്തിൽ കഴിയുന്നുണ്ട്.

ആകെ നിരീക്ഷണത്തിലുള്ളവർ-12680

വീടുകളിൽ നിരീക്ഷണത്തിലുള്ളവർ -10844
ആശുപത്രികളിൽ നിരീക്ഷണത്തിലുള്ളവർ - 170
കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ -1666
പുതുതായി നിരീക്ഷണത്തിലായവർ -767