കൊണ്ടോട്ടി: നിരോ​ധി​ത എൽ​.എ​സ്​.ഡി, എം.ഡി.എ മ​യ​ക്കു​മ​രു​ന്നു​ക​ളു​മാ​യി കോ​ഴി​ക്കോ​ട് മാ​ങ്കാ​വ് വീ​ട്ടി​ലകത്ത് ഹിജാ​സ്(22), കോഴിക്കോ​ട് കല്ലായി അ​മൻ വീ​ട്ടിൽ അ​കീൽ(20) എ​ന്നി​വരെ കൊണ്ടോട്ടി പൊലീസ് അറസ്റ്റ് ചെയ്തു. അരലക്ഷത്തോളം രൂപയുടെ മയക്കുമരുന്നാണ് ഇവരിൽ നിന്ന് പിടിച്ചത്. കോഴിക്കോ​ട്, മലപ്പുറം ജില്ലകളിലെ കോളേജുകളും സ്കൂളുകളും കേന്ദ്രീകരിച്ച് മയക്കുമ​രുന്നു വിൽപ്പന നടത്തുന്ന കണ്ണികളിലെ പ്രധാനികളാ​ണ് പിടിയിലാ​യ​വ​രെ​ന്നു പൊലീസ് പറഞ്ഞു. മയക്കുമരുന്നു കടത്താനുപയോഗിച്ച ബൈക്കും ഇവരിൽ നിന്നു കണ്ടെടുത്തു. ഗോ​വ, ബംഗളൂരു എന്നിവിടങ്ങളിൽ നിന്നെത്തിക്കുന്ന മയക്കുമരുന്ന് വിപണനത്തിനും ഇവർ കോളേജ് വിദ്യാർത്ഥികളെയാണ് ഉപയോഗിക്കുന്ന​ത്. ഡോസിനനുസരിച്ച് വിവിധ പേരുകളിലാണ് എം.ഡി.എ സ്റ്റാമ്പുകൾ അറിയപ്പെടുന്നത്. മായൻ കലണ്ടർ എന്നറിയപ്പെടുന്ന വിഭാഗത്തിൽപ്പെ​ട്ട സ്റ്റാമ്പുകളാണ് ഇവരിൽ നിന്നു പിടിച്ചെടുത്തത്. 2000 രൂപ നിരക്കി​ലാ​ണ് വി​ൽപ്പന. കൊറിയർ സർവീസ് വഴിയും മയക്കുമ​രുന്നെത്തിച്ചിട്ടുണ്ട്.
ചെറിയ അളവിൽ കൈവശം വച്ചാൽ പോലും 20 വർഷത്തിലധികം തടവു ശിക്ഷയും പിഴയും ലഭിക്കുന്ന വിഭാഗത്തിൽപ്പെട്ട മയക്കുമരുന്നാണ് ഇവരിൽ നിന്നു കണ്ടെത്തിയ​ത്. പ്രതികളെ ചോദ്യം ചെയ്തതിൽ നിന്നും മലപ്പുറം, കോഴിക്കോട് ജില്ലകൾ കേന്ദ്രീകരിച്ച് വിദ്യാർത്ഥികൾക്കിടയിൽ മയക്കുമരുന്ന് വിൽപ്പന നടത്തുന്ന സംഘങ്ങളെ കുറിച്ച് വ്യക്തമായ സൂചന ലഭിച്ചു. ഇവരെ നിരീക്ഷിച്ചു വരികയാ​ണ്. പ്രതികളെ കോടതിയിൽ ഹാജരാക്കി റി​മാൻഡ് ചെയ്തു.