തിരുവനന്തപുരം: ജില്ലയിൽ ഇന്നലെ 4 പേർക്ക് കൂടി കൊവിഡ് 19 സ്ഥിരീകരിച്ചു. അബുദാബിയിൽ നിന്നും തിരുവനന്തപുരം വിമാനത്താവളം വഴിയെത്തിയ ആറ്റിങ്ങൽ‍ സ്വദേശി (34), അബുദാബിയിൽ നിന്നെത്തിയ ആറ്റിങ്ങൽ സ്വദേശി (39), 2ന് ഹൈദരാബാദിൽ നിന്നുമെത്തിയ നെയ്യാറ്റിൻകര സ്വദേശി (24), തമിഴ്നാട് തഞ്ചാവൂരിൽ നിന്നും 2ന് എത്തിയ കാരക്കോണം സ്വദേശി (38) എന്നിവർക്കാണ് രോഗബാധ. ഇതോടെ ജില്ലയിൽ ചികിത്സയിലുള്ളവരുടെ എണ്ണം 69 ആയി. ഇതിൽ 11പേർ ഇതര ജില്ലക്കാരാണ്. ഇന്നലെ ലഭിച്ച 336 ഫലങ്ങളും നെഗറ്റീവായി. 343 സാമ്പിളുകൾ പരിശോധനയ്ക്ക് അയച്ചു. ജില്ലയിലെ ആശുപത്രികളിൽ രോഗലക്ഷണങ്ങളുമായി 36 പേരെ പ്രവേശിപ്പിച്ചു. 31 പേർ ആശുപത്രി വിട്ടു. 217 പേരാണ് വിവിധ ആശുപത്രികളിൽ നിരീക്ഷണത്തിലുള്ളത്. ഇന്നലെ പുതുതായി 846 പേർ രോഗ നിരീക്ഷണത്തിലായപ്പോൾ 316 പേർ നിരീക്ഷണ കാലയളവ് പൂർത്തിയാക്കി. വീടുകളിൽ 12,076 പേരും സ്ഥാപനങ്ങളിൽ 1606 പേരും കരുതൽ നിരീക്ഷണത്തിലുണ്ട്. ഇന്നലെ 2005 വാഹനങ്ങൾ പരിശോധിച്ച് 3944 യാത്രക്കാരെ സ്ക്രീൻ ചെയ്‌തു.

1. നിരീക്ഷണത്തിലുള്ളവർ ആകെ - 13,899
2. വീടുകളിൽ നിരീക്ഷണത്തിലുള്ളവർ -12,076
3. ആശുപത്രികളിൽ നിരീക്ഷണത്തിലുള്ളവർ -217
4. കൊവിഡ് കെയർ സെന്ററുകളിൽ -1606
5. ഇന്നലെ പുതുതായി നിരീക്ഷണത്തിലായവർ -846

336 ഫലങ്ങളും നെഗറ്റീവ്