നെയ്യാറ്റിൻകര: വ്ളാങ്ങാമുറിയിൽ പ്രവർത്തിച്ചു വരുന്ന അഗ്രോ ഹോർട്ടികൾച്ചർ സഹകരണ സംഘം വിപണ കേന്ദ്രം തുടങ്ങി. കൃഷിക്കാവശ്യമായ ചട്ടികൾ, ഗ്രോ ബാഗുകൾ, ജൈവവളം, ജൈവ കീടനാശിനികൾ, വിത്തുകൾ, ഫലവൃക്ഷ തൈകൾ, കൃഷി ഉപകരണങ്ങൾ മുതലായവയുടെ വിപണിയാണ് സംഘം ഒരുക്കിയിരിക്കുന്നത്. സംഘം പ്രസിഡന്റ് വി.എസ്. സജീവ്കുമാറിന്റെ അദ്ധ്യക്ഷതയിൽ ചേർന്ന വിപണി ഉദ്ഘാടന യോഗവും ആദ്യ വിൽപനയും സി.പി.ഐ നെയ്യാറ്റിൻകര മണ്ഡലം സെക്രട്ടറി എൻ. അയ്യപ്പൻ നായർ ഉദ്ഘാടനം ചെയ്തു.നഗരസഭ സ്റ്റാൻഡിംഗ് കമ്മിറ്റി ചെയർപേഴ്സൻ എൻ.കെ. അനിത കുമാരി, എസ്.എസ്. ഷെറിൻ, സംഘം വൈസ് പ്രസിഡന്റ് സി. ഷാജി, സെക്രട്ടറി ജി. ബിജു, ഭരണ സമിതിയംഗങ്ങളായ വി.എസ്. പ്രേമകുമാരൻ നായർ, വി. അനിൽകുമാർ, ജെ. ഡാളി, സി. സീമ, ആർ.എസ്. സുജിത റാണി, അഡ്‌വൈസർ വെൺപകൽ കെ. ബാബു, മഹിപാൽ, അയ്യപ്പൻ പിള്ള , ജീവനക്കാരായ അനന്ദു എസ്. നായർ, ആർ. സാബിരാജ് തുടങ്ങിയവർ പങ്കെടുത്തു.