തിരുവനന്തപുരം: സംസ്ഥാനത്ത് 12 വരെ ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മധ്യ കിഴക്കൻ ബംഗാൾ ഉൾക്കടലിൽ രൂപപ്പെട്ടേക്കാവുന്ന ന്യൂനമർദ്ദത്തിന്റെയും കാലവർഷം ശക്തിപ്പെടുന്നതിന്റെയും ഭാഗമായി അടുത്ത ദിവസങ്ങളിൽ കേരളത്തിൽ ശക്തമായ മഴ ലഭിക്കാം. ഇന്ന് കോട്ടയം, എറണാകുളം, ഇടുക്കി നാളെ കോട്ടയം,എറണാകുളം, ഇടുക്കി, തൃശൂർ, പാലക്കാട്, മലപ്പുറം, വയനാട്, കണ്ണൂർ എന്നീ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. അറബികടലിൽ മണിക്കൂറിൽ 45 മുതൽ 55 കി.മി വേഗതയിൽ കാറ്റിന് സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുത്.