തിരുവനന്തപുരം:വിദേശത്ത് നിന്നെത്തിയ മൂന്നുപേർക്ക് കൂടി ജില്ലയിൽ ഇന്നലെ രോഗബാധ സ്ഥിരീകരിച്ചു.അബുദാബിയിൽ നിന്ന് 3ന് എത്തിയ വർക്കല മടവൂർ പുലിയൂർക്കോണം സ്വദേശി ( 56 കാരൻ),മേയ് 29നും 28നും ദുബായിൽ നിന്നെത്തിയ ആറ്റിങ്ങൽ സ്വദേശി (44കാരൻ),മാറനല്ലൂർ കൂവള്ളശേരി സ്വദേശി (42 കാരൻ) എന്നിവർക്കാണ് കൊവിഡ് സ്ഥിരീകരിച്ചത്. ഇതോടെ ജില്ലയിൽ ചികിത്സയിലുള്ളവരുടെ എണ്ണം 72ആയി. ഇതിൽ 11പേർ അന്യ ജില്ലക്കാരാണ്.ഇന്നലെ പുതുതായി 742പേർ രോഗനിരീക്ഷണത്തിലായപ്പോൾ 381പേർ നിരീക്ഷണ കാലയളവ് പൂർത്തിയാക്കി.രോഗലക്ഷണങ്ങളുമായി 47 പേരെ ആശുപത്രിയിൽ പ്രവേശിപ്പിച്ചു.ഇന്നലെ 100 സാമ്പിളുകൾ പരിശോധനയ്ക്കായി അയച്ചു. ലഭിച്ച 288 പരിശോധനാഫലങ്ങൾ നെഗറ്റീവാണ്. 8 പേർ രോഗമുക്തി നേടി. ഇന്നലെ 1608 വാഹനങ്ങൾ പരിശോധിച്ച് 3098 പേരെ സ്ക്രീൻ ചെയ്‌തു.

ആകെ നിരീക്ഷണത്തിലുള്ളവർ-14181

വീടുകളിൽ നിരീക്ഷണത്തിലുള്ളവർ -12039
ആശുപത്രികളിൽ നിരീക്ഷണത്തിലുള്ളവർ -208
കെയർ സെന്ററുകളിൽ നിരീക്ഷണത്തിലുള്ളവർ-1934
പുതുതായി നിരീക്ഷണത്തിലായവർ-742