തിരുവനന്തപുരം: ഓൺലൈൻ വിദ്യാഭ്യാസ സൗകര്യം ഇല്ലാത്ത കുട്ടികൾക്ക് സഹായമെത്തിക്കാൻ പൊലീസ് ആരംഭിച്ച ഇ - വിദ്യാരംഭം പദ്ധതിക്ക് സംസ്ഥാന പൊലീസ് മേധാവി ലോക്‌നാഥ് ബെഹ്‌റ തുടക്കം കുറിച്ചു. പൊടിയക്കാല ട്രൈബൽ സെറ്റിൽമെന്റ് കോളനിയിലെ പത്താം ക്ലാസ് വിദ്യാർത്ഥിനിക്കും കല്ലമ്പാറ ട്രൈബൽ സെറ്റിൽമെന്റ് കോളനിയിലെ ആറാം ക്ലാസ് വിദ്യാർത്ഥിനിക്കും ഡിജിറ്റൽ പഠനോപകരണങ്ങളും ടിവിയും നൽകിയാണ് പദ്ധതിക്ക് തുടക്കമിട്ടത്. പൊലീസ് ആസ്ഥാനത്ത് നടന്ന ചടങ്ങിൽ എ.ഡി.ജി.പി മനോജ് എബ്രഹാം, ഐ.ജി പി.വിജയൻ എന്നിവർ പങ്കെടുത്തു.