തി​രുവനന്തപുരം : മുൻ കേരള രഞ്ജി​ ട്രോഫി​ ക്രി​ക്കറ്റ് താരം ജയമോഹൻ തമ്പി​യുടെ നിര്യാണത്തിൽ അനുശോചിച്ച് കേരള ക്രി​ക്കറ്റ് അസോസിയേഷൻ.കേരളത്തിനായി മികച്ച പ്രകടനം കാഴ്ചവച്ച താരമായിരുന്നു ജയമോഹൻ തമ്പി​യെന്ന് കെ.സി.എ പ്രസിഡന്റ് സജൻ കെ വർഗീസ്, സെക്രട്ടറി അഡ്വ ശ്രീജിത്ത് വി നായർ എന്നിവർ അനുശോചനക്കുറിപ്പിൽ പറഞ്ഞു.

1982-84 കാലഘട്ടത്തി​ൽ കേരളത്തി​നായി​ ആറ് രഞ്ജി​ ട്രോഫി​ മത്സരങ്ങൾ കളി​ച്ചി​ട്ടുണ്ട്. വി​ക്കറ്റ് കീപ്പർ ബാറ്റ്സ്‌മാനായി​രുന്നു.. 1978ൽ എസ്.ബി.ടിയിൽ ചേർന്നു. രണ്ട് വർഷം അതിഥിയായി എസ്.ബി.ടിക്കു വേണ്ടി കളിച്ചതിന് ശേഷമാണ് ജോലിയിൽ പ്രവേശിച്ചത്. ബാങ്കിനായി 20 വർഷം കളിക്കളത്തിൽ നിറഞ്ഞുനിന്നു.