കോട്ടയം: കോട്ടയം ജില്ലയിലെ കടുത്തുരുത്തിയിൽ മുഖ്യമന്ത്രിക്ക് കത്തെഴുതിവച്ച ശേഷം തൊഴിലാളി ആത്മഹത്യ ചെയ്തു. കടുത്തുരുത്തി സ്വദേശി രാജു ദേവസ്യയാണ് ആത്മഹത്യ ചെയ്തത്. വീടിനുള്ളിൽ തൂങ്ങിമരിച്ച നിലയിൽ രാജുവിനെ കണ്ടെത്തുകയായിരുന്നു.കൊവിഡിനെ തുടർന്ന് ലോക്ക്ഡൗൺ പ്രഖ്യാപിച്ചതോടെ ഇദ്ദേഹത്തിന് ജോലി നഷ്ടപ്പെട്ടിരുന്നു. സാമ്പത്തിക പ്രശ്നങ്ങൾ മൂലം കടുത്ത നിരാശയിലായിരുന്നു ഇയാളെന്നാണ് വിവരം. ഇതേ തുടർന്നാണ് ആത്മഹത്യയെന്നാണ് പ്രാഥമിക നിഗമനം.