ചിരിച്ച് കാണിക്കുകയും മനസിൽ പക വച്ചുകൊണ്ട് പെരുമാറുകയും ചെയ്യുന്നവരാണ് ഉത്തര കൊറിയയും ദക്ഷിണ. കൊറിയയും. വർഷങ്ങളായി തുടരുന്ന ഈ സംഘർഷം പുതിയതലങ്ങളിലേക്ക് കടക്കുകയാണ്. ദക്ഷിണ. കൊറിയയെ ശത്രുവെന്ന് വിളിച്ച ഉത്തര കൊറിയ ഇപ്പോഴിതാ ആശയവിനിമയങ്ങൾ അവസാനിപ്പിച്ചിരിക്കുന്നു. ഇനി ഇരു രാജ്യങ്ങളും തമ്മിൽ ഫോണിൽ ബന്ധപ്പെടില്ല. ശത്രുതയ്ക്ക് ആക്കം കൂട്ടിക്കൊണ്ടാണ് ഉത്തരകൊറിയയുടെ പുതിയ നിലപാട്.

ഉത്തരകൊറിയൻ അതിർത്തി നഗരമായ കെയ്‌സോങ്ങിലുള്ള ഒരു ലൈസൻ ഓഫീസിലേക്ക് വിളിക്കുന്ന ദിവസേനയുള്ള കോളുകൾ ഇന്ന് മുതൽ നിറുത്തി. 2018 ലെ ചർച്ചകൾക്ക് ശേഷം ഇരു രാജ്യങ്ങളും തമ്മിലുള്ള പിരിമുറുക്കം കുറയ്ക്കുന്നതിനായി സംയുക്തമായി രൂപീകരിച്ച ഓഫീസാണിത്. 1953 ൽ കൊറിയൻ യുദ്ധം അവസാനിക്കുമ്പോൾ സമാധാന ഉടമ്പടിയിലെത്തിയിട്ടില്ലാത്തതിനാൽ ഇരുകൊറിയകളും തമ്മിൽ ഇപ്പോഴും മാനസിക യുദ്ധത്തിലാണ്.

സൈനിക ആശയവിനിമയ മാർഗങ്ങളും വെട്ടിക്കുറയ്ക്കുമെന്ന് ഉത്തര കൊറിയ അറിയിച്ചു. കൊവിഡ് മൂലം ജനുവരിയിൽ ലൈസൻസ് ഓഫീസ് താത്കാലികമായി അടച്ചിരുന്നെങ്കിലും ഫോണിലൂടെ ഇരു രാജ്യങ്ങളും തമ്മിലുള്ള ബന്ധം നിലനിറുത്തിയിരുന്നു. ഇരുകൂട്ടരും ദിവസേന രണ്ടുതവണ സംസാരിക്കാറുണ്ടായിരുന്നു.. അത് ഇന്നലെ നിലച്ചു.ഇന്ന് മുതൽ അവരുടെ ശത്രുത വീണ്ടും മറ നീക്കി പുറത്ത് വന്നിരിക്കുകയാണ്. എനിക്ക് എൻെറ വഴി, നിനക്ക് നിൻെറ വഴി എന്ന മട്ടിൽ. അത് എവിടെ എത്തുമെന്നാണ് കണ്ടറിയേണ്ടത്.

.