എറണാകുളം: സംസ്ഥാനത്ത് കുടുംബവ്യാപനമാണ് ഇപ്പോൾ നടക്കുന്നതെന്ന് യു.ഡി.എഫ് കൺവീനർ ബെന്നി ബഹന്നാൻ. സർക്കാർ നടപടികളാണ് കൊവിഡ് വർദ്ധിക്കാൻ കാരണമെന്നും അദ്ദേഹം ആരോപിച്ചു. സംസ്ഥാനത്തെ നിരീക്ഷണ വിഷയവുമായി ബന്ധപ്പെട്ട് കോടതിയിൽ പോകണമോയെന്ന് യു.ഡി.എഫ് ആലോചിച്ച് തീരുമാനിക്കുമെന്നും അദേഹം പറഞ്ഞു.

കേരള കോൺഗ്രസ് തർക്കത്തിൽ നാളെ പരിഹാരമുണ്ടാകും. യു.ഡി.എഫിലെ കക്ഷി നിലയിൽ കുറവുണ്ടാകുമെന്ന് പ്രതീക്ഷിക്കുന്നവർക്ക് നിരാശപ്പെടേണ്ടിവരുമെന്നും ബെന്നി ബഹന്നാൻ പറഞ്ഞു.മുഖ്യമന്ത്രി പിണറായി വിജയൻ പടക്കളത്തിൽ ആയുധം ഉപേക്ഷിക്കുന്ന ഭീരുവായി മാറിയെന്ന് പറഞ്ഞ അദേഹം കോടതിയെ പോലും തെറ്റിദ്ധരിപ്പിക്കുന്ന സമീപനമാണ് മുഖ്യമന്ത്രിയുടേതെന്നും കുറ്റപ്പെടുത്തി.