തിരുവനന്തപുരം: കാലവർഷം മൂലം പ്രയാസങ്ങൾ അനുഭവിക്കുന്ന കരിമഠം കോളനിയിലെ കുടുംബങ്ങളെ മേയർ കെ. ശ്രീകുമാർ സന്ദർശിച്ചു. മഴ പെയ്താൽ വെള്ളക്കെട്ടിന്റെ പ്രയാസങ്ങൾ അനുഭവിക്കുന്ന 25 കുടുംബങ്ങളെ കരിമഠത്ത് തന്നെയുള്ള നഗരസഭയുടെ കമ്മ്യൂണി​റ്റി ഹാളിലേക്ക് മാ​റ്റി പാർപ്പിക്കാൻ മേയർ നിർദ്ദേശിച്ചു .ബാക്കിയുള്ള കുടുംബങ്ങൾക്ക് മാറി താമസിക്കുന്നതിനുള്ള വീട്ടുവാടക നഗരസഭ നൽകും. ഫ്ളാ​റ്റ് നിർമിക്കുന്നതടക്കമുള്ള ഇവരുടെ പുനരധിവാസ പ്രവർത്തനങ്ങൾക്കുള്ള നടപടികൾ വേഗത്തിലാക്കുമെന്നും മേയർ പറഞ്ഞു.