തിരുവനന്തപുരം : ജില്ലയിൽ ഇന്നലെ പത്തു പേർക്ക് കൂടി രോഗം സ്ഥിരീകരിച്ചു. ഒമ്പതു പേർ വിദേശത്തു നിന്നെത്തി സർക്കാർ നിരീക്ഷണ കേന്ദ്രത്തിൽ കഴിഞ്ഞിരുന്നവരാണ്. തിരുവനന്തപുരം മെഡിക്കൽ കോളേജിലെ കൊവിഡ് ഒ.പിയിൽ ജോലി ചെയ്ത നഴ്സിംഗ് അസിസ്റ്റന്റാണ് ഇന്നലെ രോഗം സ്ഥിരീകരിച്ച മറ്റൊരാൾ. വർക്കല സ്വദേശി (41), ഇടവ സ്വദേശി (60), പൂന്തുറ സ്വദേശി (43), ചെങ്കൽ സ്വദേശി (61), വള്ളക്കടവ് സ്വദേശി (60), കുറ്റിച്ചൽ സ്വദേശി (21), ചിറയിൻകീഴ് സ്വദേശി (19), ഇടവ സ്വദേശി (40), വഞ്ചിയൂർ സ്വദേശിയായ യുവതി (22), വട്ടിയൂർക്കാവ് കൊടുങ്ങാനൂർ സ്വദേശിയായ വനിത (52) എന്നിവർക്കാണ് രോഗം സ്ഥിരീകരിച്ചത്. ജില്ലയിൽ ഇന്നലെ പുതുതായി 860 പേർ രോഗനിരീക്ഷണത്തിലായി. 575 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ 12,339 പേർ വീടുകളിലും 1,794പേർ സ്ഥാപനങ്ങളിലും കരുതൽ നിരീക്ഷണത്തിലുണ്ട്. ജില്ലയിലെ ആശുപത്രികളിൽ ഇന്നലെ രോഗലക്ഷണങ്ങളുമായി 24 പേരെ പ്രവേശിപ്പിച്ചു. 24 പേരെ ഡിസ്ചാർജ് ചെയ്തു. ജില്ലയിലെ ആശുപത്രികളിൽ 208 പേർ നിരീക്ഷണത്തിലുണ്ട്. ഇന്ന് 293 സാമ്പിളുകൾ പരിശോധനയ്ക്കായി അയച്ചു. ഇന്ന് 267 പരിശോധനാഫലങ്ങൾ ലഭിച്ചു. ജില്ലയിൽ 52 സ്ഥാപനങ്ങളിൽ ആയി 1794 പേർ നിരീക്ഷണത്തിൽ കഴിയുന്നുണ്ട്.

ആകെ നിരീക്ഷണത്തിലുള്ളവർ -14341
വീടുകളിൽ നിരീക്ഷണത്തിലുള്ളവർ -12339
ആശുപത്രികളിൽ നിരീക്ഷണത്തിലുള്ളവർ -208
കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ -1794
ഇന്നലെ പുതുതായി നിരീക്ഷണത്തിലായവർ -860