തിരുവനന്തപുരം: സംസ്ഥാനത്തെ കോളേജ് വിദ്യാർത്ഥികൾക്കുള്ള ഓൺലൈൻ ക്ലാസ് സംബന്ധിച്ച് അദ്ധ്യാപകർക്കായുള്ള മാർ​ഗനിർദ്ദേശങ്ങൾ ഉന്നത വിദ്യാഭ്യാസ വകുപ്പ് പുറത്തിറക്കി. എല്ലാ പ്രവർത്തി ദിവസങ്ങളിലും കോളേജിലെയും ഉന്നത വിദ്യാഭ്യാസ സ്ഥാപനങ്ങളിലെയും പ്രിൻസിപ്പാളും അനദ്ധ്യാപകരും ഹാജരാവണം. അദ്ധ്യാപകർ ഓൺലൈൻ ക്ലാസ്സുകൾ എടുക്കുന്നുണ്ടെന്ന് പ്രിൻസിപ്പാൾ ഉറപ്പു വരുത്തണമെന്നും മാർ​ഗനിർദ്ദേശത്തിലുണ്ട്. രാവിലെ 8.30 മുതൽ ഉച്ചയ്ക്ക് 1.30 വരെയായിരിക്കും ക്ലാസ്. കോളേജുകളിലെ ഓഫീസ് സമയം രാവിലെ 8.30 മുതൽ വൈകുന്നേരം മൂന്നര വരെയായിരിക്കും.