തിരുവനന്തപുരം: ജില്ലയിൽ ഇന്നലെ ആറുപേർക്ക് കൊവിഡ് സ്ഥിരീകരിച്ചു. പാറശാല സ്വദേശി (25), കൊടുങ്ങാനൂർ സ്വദേശി (68), തലക്കോണം സ്വദേശി (31), അമരവിള സ്വദേശി (51), മൂന്നാംമൂട് സ്വദേശി(77), ബാലരാമപുരം സ്വദേശിനി (23) എന്നിവർക്കാണ് രോഗബാധ. പാറശാല, അമരവിള സ്വദേശികൾ കഴിഞ്ഞ 28ന് മുംബയിൽ നിന്നും ട്രെയിൻ മാർഗം വന്നവരാണ്. ഈ മാസം ഒന്നിന് ചെന്നൈയിൽ നിന്നാണ് ബാലരാമപുരം സ്വദേശിനി എത്തിയത്. 29ന് ദുബായിൽ നിന്നാണ് തലക്കോണം
സ്വദേശിയെത്തിയത്. രണ്ടുപേർക്ക് സമ്പർക്കം വഴിയും രോഗം സ്ഥിരീകരിച്ചു. ഇതോടെ ജില്ലയിൽ ചികിത്സയിലുള്ളവരുടെ എണ്ണം 77 ആയി. ഇതുവരെ ആകെ 115 പേർ രോഗബാധിതരായി. ഇതിൽ 47 പേർക്ക് രോഗം ഭേദമായി. ഇന്നലെ പുതുതായി 1023 പേർ നിരീക്ഷണത്തിലായി. 526 പേർ നിരീക്ഷണ കാലയളവ് പൂർത്തിയാക്കി. 348 സാമ്പിളുകൾ ഇന്നലെ പരിശോധനയ്ക്ക് അയച്ചു. ലഭിച്ച 406 ഫലങ്ങളിൽ ആറെണ്ണം നെഗറ്റീവായി. 30 പേരെ ഡിസ്ചാർജ് ചെയ്‌തപ്പോൾ രോഗലക്ഷണങ്ങളുമായി 36 പേരെ ആശുപത്രിയിൽ പ്രവേശിപ്പിച്ചു.

 ആകെ നിരീക്ഷണത്തിൽ - 14712 പേർ

വീടുകളിൽ നിരീക്ഷണത്തിലുള്ളവർ-12790 പേർ‌

സ്ഥാപനങ്ങളിൽ നിരീക്ഷണത്തിലുള്ളവർ-1708 പേർ

ആശുപത്രികളിൽ നിരീക്ഷണത്തിലുള്ളവർ- 214 പേർ