തിരുവനന്തപുരം:തൃശൂർ കോർപ്പറേഷനിലെ അഞ്ച് ശുചീകരണ തൊഴിലാളികൾ അടക്കം 83 പേർക്ക് ഇന്നലെ കൊവിഡ് സ്ഥിരീകരിച്ചു.തൊഴിലാളികൾക്ക് രോഗബാധ എങ്ങനെയുണ്ടായി എന്ന് വ്യക്തമല്ലെന്ന്

മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. 14പേർക്ക് സമ്പർക്കത്തിലൂടെയാണ് (തൃശൂർ- 10,മലപ്പുറം-4)രോഗബാധ. ഇവരിൽ തൃശൂരിലെ നാലുപേർ വെയർഹൗസ് ഹെഡ്‌ലോഡിംഗ് തൊഴിലാളികളാണ്. കൊവിഡ് സമൂഹത്തിൽ കൂടുതൽ പേരിലേക്ക് വ്യാപിക്കുന്നതിൻെറ സൂചനയാണിത്. 27പേർ വിദേശത്തുനിന്നും 37പേർ ഇതരസംസ്ഥാനങ്ങളിൽ നിന്നും വന്നവരാണ്. ചികിത്സയിലായിരുന്ന 62 പേരുടെ ഫലം നെഗറ്റീവായി.

ആകെ രോഗബാധിതർ 2243

ചികിത്സയിലുള്ളവർ 1258

രോഗമുക്തർ 967

മരണം 18