നാഗർകോവിൽ: കന്യാകുമാരി ജില്ലയിൽ ഇന്നലെ 6 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ജില്ലയിൽ രോഗബാധിതരുടെ എണ്ണം 133 ആയി. മുംബൈയിൽ നിന്ന് എത്തിയ നെയ്യൂർ സ്വദേശിയായ ആറു വയസുകാരൻ,ചെന്നൈയിൽ നിന്ന് എത്തിയ നാഗർകോവിൽ ദളവയ്‌പുരം സ്വദേശികളായ ഒരേ കുടുംബത്തിലെ അംഗങ്ങളായ നാലുപേർ,ഇരവിപുത്തൂർക്കട സ്വദേശിനിയായ 43 വയസുകാരി എന്നിവർക്കാണ് രോഗം സ്ഥിരീകരിച്ചത്. സ്രവ സാമ്പിളുകൾ എടുത്ത ശേഷം ഇവരെ ക്വാറന്റൈൻ ചെയ്തിരുന്നു.പരിശോധന ഫലം ലഭിച്ചതിനെ തുടർന്ന് ഇവരെ ആശാരിപ്പള്ളം ആശുപത്രിയിലെ ഐസൊലേഷൻ വാർഡിലേക്ക് മാറ്റുകയായിരുന്നു. ജില്ലയിൽ ഇതു വരെ 81 പേരാണ് രോഗമുക്തി നേടിയത്.നിലവിൽ ആശാരിപ്പള്ളം ആശുപത്രിയിൽ 50പേർ ചികിത്സയിലുണ്ട്.