തിരുവനന്തപുരം: ജില്ലയിൽ ഇന്നലെ ഒരാൾക്ക് കൊവിഡ് സ്ഥിരീകരിച്ചു. കാക്കവിള, ഉച്ചക്കട സ്വദേശിയായ 63കാരനാണ് രോഗബാധ സ്ഥിരീകരിച്ചത്. ഇയാൾ മുംബയിൽ നിന്ന് ഡൽഹി-തിരുവനന്തപുരം ട്രെയിനിൽ മേയ് 29ന് എത്തിയതാണ്. ഇതോടെ ജില്ലയിൽ ചികിത്സയിലുള്ളവരുടെ എണ്ണം 62 ആയി. പുതുതായി 804 പേർ നിരീക്ഷണത്തിലായപ്പോൾ 498 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. 193 സാമ്പിളുകൾ പരിശോധനയ്ക്ക് അയച്ചു. ഇന്നലെ 248 പരിശോധനാഫലങ്ങൾ ലഭിച്ചു. 32 പേരെ ഇന്നലെ ഡിസ്ചാർജ് ചെയ്തു. വിവിധ ആശുപത്രികളിൽ രോഗലക്ഷണങ്ങളുമായി 17 പേരെ പ്രവേശിപ്പിച്ചു. ഇന്ന് 2320 വാഹനങ്ങൾ പരിശോധിച്ച് 4686 പേരെ സ്‌ക്രീൻ ചെയ്തു.