അഞ്ചൽ: ആട്ടോ ഡ്രൈവറെ തൂങ്ങി മരിച്ച നിലയിൽ കണ്ടെത്തി. ഇടയം രാജു മന്ദിരത്തിൽ (കളീലുവിള) മണിരാജനാണ് (ബാബു - 53) മരിച്ചത്. പൊലിക്കോട് സ്റ്റാൻഡിലെ ആട്ടോ ഡ്രൈവറാണ്. വെള്ളിയാഴ്ച വൈകിട്ട് ആറിന് ശേഷം മണിരാജന്റെ മൊബൈൽ ഫോൺ സ്വിച്ചോഫായിരുന്നു. തുടർന്ന് നടത്തിയ തെരച്ചിലിൽ രാത്രി പത്തോടെ അറയ്ക്കൽ കുറ്ററ ഏലാ റോഡരികിൽ അടുത്തടുത്തുള്ള തെങ്ങിലും കമുകിലുമായി വലിച്ചുകെട്ടിയ പ്ലാസ്റ്റിക് കയറിൽ തൂങ്ങി നിൽക്കുന്നതാണ് കണ്ടത്. സമീപത്തായി ആട്ടോയും ചെരുപ്പുകളും ഉണ്ടായിരുന്നു.ഫിംഗർപ്രിന്റ്, ഫോറൻസിക് വിദഗ്ദ്ധർ തെളിവുകൾ ശേഖരിച്ചു. പിതാവ്: പരേതനായ ലക്ഷ്മണൻ. മാതാവ്: സരസ്വതി. സഹോദരങ്ങൾ: സുഷമ, ഉഷ, സുജ.