നെടുമങ്ങാട്:നഗരസഭയിലെ 39 വാർഡുകളിലും സാമൂഹ്യപഠനകേന്ദ്രങ്ങൾ സജ്ജമായി.വിദ്യാഭ്യാസ വകുപ്പിൽ നിന്നും ഓൺലൈൻ പഠന സൗകര്യമില്ലെന്നറിയിച്ച 197 വിദ്യാർത്ഥികൾക്കും സൗകര്യമൊരുക്കിയതായി നഗരസഭ ചെയർമാൻ ചെറ്റച്ചൽ സഹദേവൻ അറിയിച്ചു. കമ്യൂണിറ്റി ഹാളുകളിലും അംഗൻവാടികളിലുമാണ് ടി.വി സ്ഥാപിച്ചത്.നഗരസഭതല ഉദ്ഘാടനം ഗ്രാങ്കോട്ടുകോണം അംഗൻവാടിയിൽ മന്ത്രി ഇ.പി.ജയരാജൻ നിർവഹിച്ചു.സി.ദിവാകരൻ എം.എൽ.എ,നഗരസഭ ചെയർമാൻ ചെറ്റച്ചൽ സഹദേവൻ,വൈസ് ചെയർപേഴ്‌സൺ ലേഖാ വിക്രമൻ,സ്റ്റാൻഡിംഗ് കമ്മിറ്റി ചെയർമാൻമാരായ ആർ.മധു, പി.ഹരികേശൻ നായർ,ടി.ആർ.സുരേഷ് കുമാർ,ഗീതാകുമാരി,കൗൺസിലർമാരായ ടി.അർജുനൻ,സുമയ്യാ മനോജ്,മുനിസിപ്പൽ സെക്രട്ടറി സ്റ്റാലിൻ നാരായണൻ എന്നിവർ പങ്കെടുത്തു.