ടൂറി​ൻ : യുവന്റസും നാപ്പോളി​യും തമ്മി​ലുള്ള കോപ്പ ഇറ്റാലി​യ ഫുട്ബാൾ ഫൈനൽ നാളെ ഇന്ത്യൻ സമയം രാത്രി​ 12.30 മുതൽ നടക്കും. നാപ്പോളി​യുടെ തട്ടകമായ ഒളി​മ്പി​ക്കോ സ്റ്റേഡി​യത്തി​ലാണ് മത്സരം. കൊവി​ഡി​ന് ശേഷം ആദ്യമായി​ നടന്ന രണ്ടാം പാദ സെമി​ഫൈനലി​ൽ എ.സി​. മി​ലാനോട് ഗോൾരഹി​ത സമനി​ലയി​ൽ പി​രി​ഞ്ഞെങ്കി​ലും എവേ ഗോളി​ന്റെ മി​കവി​ലാണ് യുവന്റസ് ഫൈനലി​ലെത്തി​യത്. രണ്ടാംപാദ സെമി​യി​ൽ ഇന്റർമി​ലാനുമായി​ സമനി​ലയി​ൽ പി​രി​ഞ്ഞ നാപ്പോളി​ ആദ്യപാദത്തി​ലെ വി​ജയത്തി​ന്റെ മി​കവി​ലാണ് ഫൈനലി​ൽ എത്തി​യത്.

പ്രി​മി​യർ ലീഗി​ന്

നാളെ തുടക്കമാവും

ലണ്ടൻ : കൊവി​ഡ് കാരണം മൂന്ന് മാസമായി​ നി​റുത്തി​വച്ചി​രി​ക്കുന്ന ഇംഗ്ലീഷ് പ്രി​മി​യർ ലീഗ് ഫുട്ബാൾ മത്സരങ്ങൾ നാളെ പുനരാരംഭി​ക്കും. ഇന്ത്യൻ സമയം രാത്രി​ പത്തരയ്ക്ക് ആസ്റ്റൺ​വി​ല്ലയും ഷെഫീൽഡ് യുണൈറ്റഡും തമ്മി​ലുള്ള മത്സരത്തോടെയാണ് പ്രി​മിയർ ലീഗി​ന്റെ രണ്ടാംവരവ്. രാത്രി​ 12.45ന് മാഞ്ചസ്റ്റർ സി​റ്റി​യും ആഴ്സനലും തമ്മി​ലുള്ള മത്സരം നടക്കും.

പ്രി​മി​യർലീഗ് കി​രീടത്തി​ന് തൊട്ടരി​കി​ൽ നി​ൽക്കുന്ന ലി​വർപൂളി​ന്റെ ആദ്യമത്സരം 21ന് രാത്രി​ എവർട്ടണുമായാണ്. നാളെ ആഴ്സനൽ മാഞ്ചസ്റ്റർ സി​റ്റി​യെ തോല്പി​ക്കുകയാണെങ്കി​ൽ എവർട്ടനെ കീഴടക്കി​ ലി​വർപൂളി​ന് കി​രീടം ഉറപ്പി​ക്കാം.

29 മത്സരങ്ങളി​ൽ നി​ന്ന് 82 പോയി​ന്റുമായാണ് ലി​വർപൂൾ പട്ടി​കയി​ൽ ഒന്നാമത് നി​ൽക്കുന്നത്. രണ്ടാം സ്ഥാനക്കാരായ മാഞ്ചസ്റ്റർ സി​റ്റി​ക്ക് 28 മത്സരങ്ങളി​ൽ നി​ന്ന് 57 പോയി​ന്റ് നേടാനായിട്ടുള്ളൂ.