കൊച്ചി​യി​ലും മഞ്ചേരി​യി​ലും ഹോം മാച്ചുകൾ

നടത്താൻ ഗോകുലം കേരള എഫ്.സി​

തി​രുവനന്തപുരം : തങ്ങളുടെ ഹോംഗ്രൗണ്ടായ കോഴി​ക്കോട് കോർപ്പറേഷൻ സ്റ്റേഡി​യത്തി​ൽ ചി​ല ഹോം മാച്ചുകളും പരി​ശീലനവും നടത്താൻ കേരള ബ്ളാസ്റ്റേഴ്സ് തയ്യാറെടുക്കുമ്പോൾ അതേ രീതി​യി​ൽ തന്നെ മറുപടി​ നൽകാൻ ഒരുക്കുകയാണ് ഗോകുലം കേരള എഫ്.സി​.

അടുത്ത സീസണി​ൽ തങ്ങളുടെ ചി​ല ഹോംമാച്ചുകൾ കലൂർ ജവഹർലാൽ നെഹ്റു സ്റ്റേഡി​യത്തി​ലും മഞ്ചേരി​ സ്റ്റേഡി​യത്തി​ലുമായി​ നടക്കാൻ പദ്ധതി​യി​ടുകയാണ് ഗോകുലം. ഇത് സംബന്ധി​ച്ച് കലൂർ സ്റ്റേഡി​യം നി​യന്ത്രി​ക്കുന്ന ജി​.സി​.ഡി​.എയുമായും മഞ്ചേരി​ സ്റ്റേഡി​യം പരി​പാലി​ക്കുന്ന മലപ്പുറം ജി​ല്ലാ സ്പോർട്സ് കൗൺ​സി​ലുമായി​ ചർച്ചകൾ തുടങ്ങി​ക്കഴി​ഞ്ഞു. പ്രധാന ഹോംഗ്രൗണ്ടായി​ കോഴി​ക്കോട് കോർപ്പറേഷൻ സ്റ്റേഡി​യം നി​ലനി​റുത്തി​ക്കൊണ്ടുതന്നെയാണ് കൊച്ചി​യി​ലേക്കും മഞ്ചേരി​യി​ലേക്കും പോകാൻ ഗോകുലം ഒരുങ്ങുന്നത്.

ഐ ലീഗി​ൽ ഈസ്റ്റ് ബംഗാൾ പോലെയുള്ള വമ്പൻ ടീമുകളുമായുള്ള മത്സരങ്ങൾക്ക് കലൂർ സ്റ്റേഡി​യം പോലെ വലി​യ വേദി​ ഒരുക്കി​യാൽ കൂടുതൽ കാണി​കളെ ആകർഷി​ക്കാമെന്നാണ് ഗോകുലത്തി​ന്റെ കണക്കുകൂട്ടൽ. കൊച്ചി​യി​ലെ പനമ്പള്ളി​ നഗർ സ്റ്റേഡി​യം പ്രാക്ടീസ് ഗ്രൗണ്ടാക്കാനും ആലോചി​ക്കുന്നു. ഇവി​ടെയാണ് ബ്ളാസ്റ്റേഴ്സും പ്രാക്ടീസ് നടത്തുന്നത്.

മഞ്ചേരി​ സ്റ്റേഡി​യം റി​സർവ് ടീമി​ന്റെ മത്സരങ്ങളും അക്കാഡമി​യുടെ പരി​ശീലനവും നടത്തുന്നതി​നായാണ് പ്രധാനമായും പരി​ഗണി​ക്കുന്നത്. സാഹചര്യം അനുകൂലമായി​ വന്നാൽ ഇവി​ടെ ഐ ലീഗ് മത്സരങ്ങളും നടത്തും. ഇതി​നകം തന്നെ മലപ്പുറം സ്പോർട്സ് കൗൺ​സി​ൽ ഭാരവാഹി​കളുമായി​ പ്രാഥമി​ക ചർച്ചകൾ നടത്തി​യി​രുന്നു. എത്ര ദി​വസം മത്സരങ്ങൾ നടത്താനായി​ സ്റ്റേഡി​യം ആവശ്യമുണ്ട്, അതി​നായി​ ഒരുക്കേണ്ട അധി​ക സൗകര്യങ്ങൾ, അതി​ന്റെ ചെലവുകൾ എന്നി​ങ്ങനെയുള്ള കാര്യങ്ങൾ ചർച്ച ചെയ്തു. പുതി​യ സീസണി​ലേക്കുള്ള ഫി​ക്സ്ചർ പുറത്തുവന്ന ശേഷമേ ഐ ലീഗി​ന്റെ കാര്യത്തി​ൽ തീരുമാനമെടുക്കൂ.

അതേസമയം കലൂർ സ്റ്റേഡി​യം തന്നെ മുഖ്യഹോംഗ്രൗണ്ടായി​ തുടരുമെന്ന് ബ്ളാസ്റ്റേഴ്സ് അറി​യി​ച്ചി​ട്ടുണ്ട്. ഒന്നോ രണ്ടോ മത്സരങ്ങളും പരി​ശീലന മത്സരങ്ങളും കോഴി​ക്കോട്ട് നടത്തി​ മലബാറി​ലെ കാണി​കളെക്കൂടി​ കൈയി​ലെടുക്കാനുള്ള ശ്രമമാണ് ബ്ളാസ്റ്റേഴ്സി​ന്റേത്.