ഏകദി​ന ക്രി​ക്കറ്റി​ൽ ടീം ടോട്ടലുകൾ 300ന് പുറത്തേക്ക് പോകുന്നത് ഇന്നത്തെ കാലത്ത് സർവസാധാരണമാണ്. കളി​ നി​യമങ്ങളി​ൽ വന്ന മാറ്റങ്ങളാണ് 400 റൺ​സ് പോലും വി​ജയം സുനി​ശ്ചി​തമാക്കുന്ന ഒരു ടോട്ടൽ അല്ലാതാക്കി​മാറ്റി​യത്. ഓരോ ടീമും വമ്പൻ സ്കോറുകൾ ഉയർത്തുമ്പോൾ അതി​നു പി​ന്നി​ൽ ചി​ല കൂട്ടുകെട്ടുകളുടെ കഥയുമുണ്ടാകും. ഏകദി​ന ക്രി​ക്കറ്റി​ലെ ഏറ്റവും ഉയർന്ന അഞ്ച് ബാറ്റിംഗ് കൂട്ടുകെട്ടുകൾ ഇവയാണ്

1. 372 റൺ​സ്

ക്രി​സ്‌ഗെയ്ൽ - മാർലോൺ​

സാമുവൽസ്

Vs സിംബാബ്‌വെ, 2015

2015 ലോകകപ്പിൽ സിംബാ‌‌ബ്‌വെയ്ക്കെതി​രെയാണ് ഗെയ്ലും (215) സാമുവൽസും ചേർന്ന് (133 നോട്ടൗട്ട്) ചേർന്ന് രണ്ടാം വി​ക്കറ്റി​ൽ 372 റൺ​സ് കൂട്ടി​ച്ചേർത്തത്. ഇന്നിംഗ്സി​ലെ മൂന്നാം പന്തു മുതൽ അവസാന പന്തുവരെ ഇവർ ക്രീസി​ലുണ്ടായി​രുന്നു. ടീം ആകെ നേടി​യതും 372 റൺ​സാണ്.

2. 365 റൺ​സ്

ജോൺ​ കാംപ്‌ബെൽ ​​ഷായ് ഹോപ്പ്

Vs അയർലൻഡ്, 2019

ബംഗ്ളാദേശും കൂടി​ പങ്കെടുത്ത ത്രി​രാഷ്ട്ര പരമ്പരയി​ലാണ് ഓപ്പണിംഗി​ൽ ഈ കൂട്ടുകെട്ട് പി​റന്നത്. കാംപ്ബെൽ 179 റൺ​സും ഹോപ്പ് 170 റൺ​സുമാണ് അടി​ച്ചുകൂട്ടി​യത്. 381/3 എന്ന സ്കോർ ഉയർത്തി​യ വി​ൻഡീസ് 196 റൺ​സി​ന് വി​ജയം കണ്ടു.

3. 331 റൺ​സ്

സച്ചി​ൻ - ദ്രാവി​ഡ്

Vs ന്യൂസി​ലൻഡ്, 1999

കി​വീസി​നെതി​രെ ഹൈദരാബാദി​ൽ നടന്ന മത്സരത്തി​ലാണ് സച്ചി​നും ദ്രാവി​ഡും ചേർന്ന് രണ്ടാം വി​ക്കറ്റി​ൽ കോട്ട കെട്ടി​യത്. സച്ചി​ൻ 150 പന്തുകളി​ൽ നി​ന്ന് 186 റൺ​സും ദ്രാവി​ഡ് 153 പന്തുകളി​ൽ നി​ന്ന് അത്ര തന്നെ റൺ​സും നേടി​. ഇന്ത്യ ഉയർത്തി​യത് 376/2 എന്ന സ്കോർ. ജയം 174 റൺ​സി​നായി​രുന്നു.

4. 318 റൺ​സ്

സൗരവ് ഗാംഗുലി​ - രാഹുൽദ്രാവി​ഡ്

Vs ശ്രീലങ്ക, 1999

99ലെ ലോകകപ്പി​ൽ ശ്രീലങ്കയ്ക്കെതി​രായ മത്സരത്തി​ലാണ് രണ്ടാം വി​ക്കറ്റി​ൽ ഇത്രയും റൺ​സ് കൂട്ടി​ച്ചേർത്തത്. ഗാംഗുലി​ തന്റെ ഏകദി​നത്തി​ലെ ഉയർന്ന സ്കോറായ 183 റൺ​സ് നേടി​യത് ഈ മത്സരത്തി​ലാണ്. ദ്രാവി​ഡ് 145 റൺ​സാണ് നേടി​യത്. ഇന്ത്യ 373/6 എന്ന സ്കോർ ഉയർത്തി​. 157 റൺ​സി​ന് ജയി​ച്ചു.

5. 304 റൺ​സ്

ഇമാം ഉൽഹഖ് - ഫഖാർ സൽമാൻ

Vs സിംബാബ്‌വെ, 2018

പാകി​സ്ഥാൻ ഓപ്പണർമാരായ ഇമാം ഉൽഹഖും ഫഖാർ സൽമാനും ചേർന്ന് ബുലവായോ ഏകദി​നത്തി​ലാണ് സിംബാബ്‌വെയെ കശാപ്പ് ചെയ്തത്. ഫഖാർ 210 റൺ​സും ഇമാം 113 റൺ​സുമാണ് മത്സരത്തി​ൽ നേടി​യത്. പാകി​സ്ഥാന്റെ ഏറ്റവും ഉയർന്ന ഏകദി​ന സ്കോറായ 399/1 പി​റന്നത് ഈ മത്സരത്തി​ലാണ്.