തിരുവനന്തപുരം: ബിരുദ, ബിരുദാനന്തര ബിരുദ കോഴ്സുകളിൽ സംസ്ഥാനത്തെ ആ‌ർട്‌സ് ആന്റ് സയൻസ് കോളേജുകളിൽ സീറ്റുകൾ വർദ്ധിപ്പിക്കാൻ ഉന്നതവിദ്യാഭ്യാസ വകുപ്പിന്റെ അനുമതി.ബിരുദ കോഴ്സുകളിൽ 70 സീറ്റ് വരെ കൂട്ടാം. പി.ജി സയൻസ് കോഴ്സുകളിൽ 25 സീറ്റും പി.ജി കോമേഴ്സ് കോഴ്സുകളിൽ 30 സീറ്റുകളും കൂട്ടാം. 2020-21 വർഷത്തേക്കാണ് സീറ്റുകൾ വർദ്ധിപ്പിക്കുന്നത്.

അധിക സീറ്റ് വേണമോ എന്ന് തീരുമാനിക്കേണ്ടത് അതാത് കോളേജുകളാണ്. കൊവിഡ് പശ്ചാത്തലത്തിൽ മറ്റ് സംസ്ഥാനങ്ങളിലെ കോളേജുകളിൽ പ്രവേശനം നേടുന്നതിനുള്ള ബുദ്ധിമുട്ടുകൾ കണക്കിലെടുത്താണ് സംസ്ഥാന സർക്കാർ തീരുമാനം.