മുംബയ്: ലഡാക്കിലെ ഇന്ത്യ-ചൈന സംഘർഷത്തെതുടർന്ന് രൂപയുടെ മൂല്യമിടിഞ്ഞു. ഡോളറിനെതിരെ രൂപയുടെ മൂല്യം 76.24 നിലവാരത്തിലേയ്ക്കാണ് താഴ്ന്നത്. ഓഹരി വിപണിയിൽ വിദേശ നിക്ഷേപകർ അറ്റവില്പനക്കാരായതും മൂല്യത്തെ ബാധിച്ചു.

തിങ്കളാഴ്ച 2,960.33 കോടി രൂപയുടെ ഓഹരികളാണ് ഇവർ വിറ്റൊഴിഞ്ഞത്. കിഴക്കൻ ലഡാക്കിൽ ചൈനീസ് ആക്രമണത്തിൽ ഇന്ത്യയുടെ കമാൻഡിംഗ് ഓഫീസറും രണ്ട് സൈനികരുമാണ് വീരമൃത്യു വരിച്ചത്. ഓഹരി വിപണി മികച്ച നേട്ടമുണ്ടാക്കിയതിനെതുടർന്ന് രാവിലത്തെ വ്യാപാരത്തിൽ മൂല്യം 75.77 നിലവാരത്തിലേയ്ക്ക് ഉയർന്നിരുന്നു.