നാഗർകോവിൽ: കന്യാകുമാരി ജില്ലയിൽ ഇന്നലെ 12 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ജില്ലയിൽ രോഗബാധിതരുടെ എണ്ണം 162 ആയി. സ്രവ സാമ്പിളുകൾ എടുത്തശേഷം ഇവരെ ക്വാറന്റൈൻ ചെയ്തു. പരിശോധന ഫലം കിട്ടിയതിനെ തുടർന്ന് ഇവരെ ആശാരിപ്പള്ളം ആശുപത്രിയിലെ ഐസൊലേഷൻ വാർഡിലേക്ക് മാറ്റി. ജില്ലയിൽ ഇതു വരെ 97 പേരാണ് രോഗമുക്തി നേടിയത്. നിലവിൽ ആശാരിപ്പള്ളം ആശുപത്രിയിൽ 63പേർ ചികിത്സയിലുണ്ട്. ജില്ലയിൽ രണ്ട് പേരാണ് ഇതുവരെ മരിച്ചത്.