തിരുവനന്തപുരം: സംസ്ഥാനത്തെ ഭക്ഷ്യസംസ്കരണ വിതരണ മേഖലയിലെ മിനിമം വേതനം പുതുക്കി. അടിസ്ഥാനവേതന നിരക്കിൽ മാനേജർ തസ്തികയ്ക്ക് 16,​790 രൂപയാണ് പുതുക്കിയ പ്രതിമാസവേതനം. മാർക്കറ്റിംഗ് കൺട്രോളർ,​ ചീഫ് അനലിസ്റ്റ്, അക്കൗണ്ട്‌സ് ഓഫീസർ എന്നിവർക്ക് 15,​100 രൂപയും അസിസ്റ്റന്റ് മാനേജർ, സൂപ്പർവൈസർ, പ്രൊഡക്ഷൻ സൂപ്പർവൈസർ, പായ്ക്കിംഗ് സൂപ്പർവൈസർ, പർച്ചെയ്‌സ് മാനേജർ, പർച്ചെയ്‌സ് ഓഫീസർ, സെയിൽസ് മാനേജർ, സെയിൽസ് ഓഫീസർ തസ്തികകളിൽ 13,​975 രൂപയുമാണ് പുതുക്കിയ പ്രതിമാസവേതനം.