ന്യൂഡൽഹി: ഡൽഹി ആരോ​ഗ്യമന്ത്രി സത്യേന്ദ്ര ജെയിനെ വീണ്ടും കൊവിഡ് പരിശോധനയ്ക്ക് വിധേയനാക്കി. കൊവിഡ് ലക്ഷണങ്ങൾ മാറാത്തതിനെ തുടർന്നാണ് വീണ്ടും പരിശോധനയ്ക്ക് വിധേയനാക്കിയത്. ഇന്നലെ അദ്ദേഹത്തിന്റെ പരിശോധന ഫലം നെ​ഗറ്റീവായിരുന്നു.

അതേസമയം രാജ്യത്തെ കൊവിഡ് ബാധിതരുടെ എണ്ണം മൂന്നര ലക്ഷം പിന്നിട്ടു. ഇരുപത്തിനാല് മണിക്കൂറിനുള്ളിൽ 11,974 പേർ രോഗ ബാധിതരായി എന്നാണ് പുതിയ കണക്ക്. ആകെ കൊവിഡ് മരണങ്ങൾ 11,903 ആയി ഉയർന്നു. മഹാരാഷ്ട്ര, ഡൽഹി സംസ്ഥാനങ്ങൾ നേരത്തെ പുറത്തുവിടാതിരുന്ന കണക്കുകൾ പുറത്തുവിട്ടതാണ് മരണ നിരക്ക് കുത്തനെ ഉയരാൻ കാരണം. മഹാരാഷ്ട്രയിൽ 1328 പേരുടെ മരണവും ഡൽഹിയിൽ 437 പേരുടെ മരണവുമാണ് ഇന്ന് കൂട്ടിച്ചേർത്തത്.