കണ്ണൂർ: കണ്ണൂരിൽ കഴി‍ഞ്ഞ ദിവസം കൊവിഡ് ബാധിച്ച എക്സൈസ് ഡ്രൈവറുടെ നില അതീവ ഗുരുതരം. മട്ടന്നൂർ എക്സൈസ് വകുപ്പ് ഡ്രൈവറായ ഇയാൾ പടിയൂർ സ്വദേശിയാണ്. ഇരുപത്തിയെട്ടുകാരനായ ഇദേഹത്തിന്റെ നില ഗുരുതരമാണെന്ന് ആശുപത്രി മെഡിക്കൽ ബുള്ളറ്റിനിലൂടെയാണ് അറിയിച്ചത്. വെന്റിലേറ്ററിന്റെ സഹായത്തോടെയാണ് ജീവൻ നിലനിറുത്തുന്നതെന്നും മെഡിക്കൽ ബുള്ളറ്റിനിൽ പറയുന്നു. ഇയാൾക്ക് എവിടെനിന്നാണ് രോ​ഗം ബാധിച്ചതെന്ന് ഇനിയും കണ്ടെത്താനായിട്ടില്ല.

കടുത്ത ന്യുമോണിയ ബാധിച്ചതിനാൽ ശ്വാസകോശത്തിന്റെ പ്രവർത്തനത്തിന് ​ഗുരുതരമായ തകരാറുണ്ട്. റിമാന്റ് പ്രതിയുമായി ജില്ലാ ആശുപത്രിയിലും തോട്ടട ക്വാറന്റൈൻ കേന്ദ്രത്തിലും പോയിരുന്നു. മറ്റ് സമ്പർക്കങ്ങൾ ഉണ്ടായിട്ടില്ല. ഡ്രൈവർക്ക് കൊവിഡ് ബാധ കണ്ടെത്തിയതോടെ മട്ടന്നൂർ എക്സൈസ് ഓഫീസ് അടച്ചിരുന്നു. ഓഫീസിലെ 18 ജീവനക്കാരും ഇപ്പോൾ നിരീക്ഷണത്തിലാണ്.