ന്യൂഡൽഹി: രാജ്യത്ത് 24 മണിക്കൂറിനിടെ 12,881 പേർക്ക് പുതുതായി കൊവിഡ‌് സ്ഥിരീകരിച്ചു. പുതിയ രോഗികളുടെ എണ്ണത്തിൽ രാജ്യത്ത് കഴിഞ്ഞ മൂന്ന് ദിവസം നേരിയ കുറവ് വന്നിരുന്നെങ്കിലും ബുധനാഴ്ച അത് വീണ്ടും റെക്കോർഡ് നിരക്കിലേക്കെത്തിയിരിക്കുകയാണ്. ഒരു ദിവസത്തിനിടെ രാജ്യത്ത് ഇത്രയധികം പേർക്ക് രോഗം സ്ഥിരീകരിക്കുന്നത് ഇതാദ്യമാണ്.

24 മണിക്കൂറിനിടെ 334 പേർക്കാണ് കൊവിഡ് ബാധിച്ച് ജീവൻ നഷ്ടമായത്. ഇതോടെ ആകെ മരണം 12,237 ആകുകയും 366946 പേർക്ക് രാജ്യത്ത് രോഗം സ്ഥിരീകരിക്കുകയും ചെയ്തു. 1,60,384 പേരാണ് നിലവിൽ ചികിത്സയിലുള്ളത്. 1,94,325 പേർക്ക് രോഗം ഭേദമായി.

മഹാരാഷ്ട്രയിൽ 1,16,752 പേർക്കാണ് ഇതുവരെ വൈറസ് സ്ഥിരീകരിച്ചിട്ടുള്ളത്. 5651 പേർ മരിക്കുകയും ചെയ്തു.47,102 പേർക്ക് രോഗം സ്ഥിരീകരിച്ച ഡൽഹിയിൽ 1904 മരണങ്ങൾ റിപ്പോർട്ട് ചെയ്തു. 25,093 പേർക്കാണ് ഗുജറാത്തിൽ ഇതുവരെ രോഗം കണ്ടെത്തിയിട്ടുള്ളത്. 1560 പേർ ഇതിനോടകം മരിച്ചു. തമിഴ്‌നാട്ടിൽ കൊവിഡ് സ്ഥിരീകരിച്ചവരുടെ എണ്ണം അരലക്ഷം കടന്ന് 50,193 ആയി. 576 പേരാണ് തമിഴ്‌നാട്ടിൽ മരിച്ചത്.