ബാലരാമപുരം: കേന്ദ്ര-സംസ്ഥാന സർക്കാരുകൾ കൊവിഡ് മറവിലും ഇന്ധനവില വർദ്ധിപ്പിച്ച് ജനത്തെ കൊള്ളയടിക്കുകയാണെന്നും ആത്മാർത്ഥതയുണ്ടെങ്കിൽ സംസ്ഥാന സർക്കാർ അധികമായി ലഭിക്കുന്ന എക്സൈസ് നികുതി കുറച്ച് കൊള്ളയടി അവസാനിപ്പിക്കാൻ തയ്യാറാകണമെന്ന് കെ.പി.സി.സി ജനറൽ സെക്രട്ടറി തമ്പാനൂർ രവി . ഇന്ധനവില വർദ്ധിപ്പിച്ച കേന്ദ്ര സർക്കാർ നടപടിയിൽ പ്രതിഷേധിച്ച് കാട്ടാക്കട ബ്ലോക്ക് കോൺഗ്രസ് കമ്മിറ്റി പ്രാവച്ചമ്പലം ജംഗ്ഷനിൽ സംഘടിപ്പിച്ച ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബ്ലോക്ക് കോൺഗ്രസ് കമ്മിറ്റി പ്രസിഡന്റ് വണ്ടന്നൂർ സന്തോഷ് അദ്ധ്യക്ഷത വഹിച്ചു. കെ.പി.സി.സി അംഗം ബി.എൻ.ശ്യാംകുമാർ,​ നേമം ബ്ലോക്ക് പഞ്ചായത്ത് മുൻ പ്രസിഡന്റ് അഡ്വ.എം.മണികണ്ഠൻ,​ ഡി.സി.സി ജനറൽ സെക്രട്ടറി എം.മഹേന്ദ്രൻ,​ ഹാന്റക്സ് മുൻ പ്രസിഡന്റ് പെരിങ്ങമല വിജയൻ,​ പള്ളിച്ചൽ പഞ്ചായത്ത് പ്രസിഡന്റ് മല്ലികാവിജയൻ,​ പള്ളിച്ചൽ സതീഷ്,​ നരുവാമൂട് രാമചന്ദ്രൻ,​ ഊരൂട്ടമ്പലം ശ്രീകുമാർ,​ എസ്.വീരേന്ദ്രകുമാർ എന്നിവർ സംസാരിച്ചു.