തിരുവനന്തപുരം: ജി.​എസ്.ടി നിയമപ്രകാരമുള്ള മതിയായ രേഖകളില്ലാതെ കൊല്ലത്തെ വിവിധ ജുവലറികളിലേക്ക് കൊണ്ടുവന്ന 40 ലക്ഷം രൂപയുടെ സ്വർണാഭരണങ്ങൾ പിടികൂടി. തൃശൂരിൽ നിന്നുകൊണ്ടുവന്ന 837.49 ഗ്രാം സ്വർണമാണ് ജി.എസ്.ടി കരുനാഗപ്പള്ളി സ്‌ക്വാഡ് നമ്പർ 3 പിടികൂടിയത്. ഒരാഴ്ചയ്ക്കിടെ കൊല്ലത്ത് നടത്തിയ പരിശോധനയിൽ നാല് കേസുകളിലായി 1.80 കോടിയുടെ 2860 ഗ്രാം സ്വർണാഭരണങ്ങൾ പിടിച്ചിരുന്നു. ടാക്‌സ്,​ പെനാൽറ്റി എന്നീ ഇനങ്ങളിൽ 10.73 ലക്ഷം രൂപ ഈടാക്കിയ ശേഷം ആഭരണങ്ങൾ ഉടമകൾക്ക് വിട്ടുനിൽകി. ജി.എസ്.ടി (ഇന്റലിജൻസ്)​ ജോയിന്റ് കമ്മിഷണർ സി.ജെ. സാബു,​ ഡെപ്യൂട്ടി കമ്മിഷണർ എച്ച്. ഇർഷാദ് എന്നിവരുടെ നിർദ്ദേശപ്രകാരം,​ ടാക്‌സ് ഓഫീസർ എസ്.രാജീവിന്റെ നേതൃത്വത്തിൽ ഓഫീസർമാരായ ആർ. ഷമിംരാജ്,​ ബി. രാജേഷ്,​ എസ്. രാജേഷ് കുമാർ,​ ടി. രതീഷ്,​ ബി. രാജീവ്,​ വി. രഞ്ജിനി,​ ഇ.ആർ. സോനാജി,​ പി. ശ്രീകുമാർ എന്നിവരടങ്ങിയ സംഘമാണ് സ്വർണാഭരണങ്ങൾ പിടികൂടിയത്.