മലയിൻകീഴ്: വൈദ്യുതി ചാർജ്ജ് വർദ്ധനയ്‌ക്കെതിരെ മലയിൻകീഴ് കെ.എസ്.ഇ.ബി ഓഫീസിന് മുന്നിൽ മലയിൻകീഴ് വ്യാപാരി വ്യവസായി ഏകോപന സമിതി സംഘടിപ്പിച്ച ധർണ മുൻ സ്‌പീക്കർ എൻ. ശക്തൻ ഉദ്ഘാടനം ചെയ്‌തു. വ്യാപാരി വ്യവസായി ഏകോപന സമിതി ജില്ലാ സെക്രട്ടറി ജയൻ. കെ. പണിക്കർ അദ്ധ്യക്ഷത വഹിച്ചു. യൂണിറ്റ് ജനറൽ സെക്രട്ടറി കെ.എസ്. കൃഷ്ണകുമാർ, സുരേഷ് എന്നിവർ സംസാരിച്ചു. എക്‌സിക്യൂട്ടീവ് അംഗങ്ങൾ ഉൾപ്പെടെ നിരവധി വ്യാപാരികൾ പങ്കെടുത്തു.