നാഗർകോവിൽ: കന്യാകുമാരി ജില്ലയിൽ ഇന്നലെ 6 പേർക്ക് കൂടി കൊവിഡ് സ്ഥിരീകരിച്ചതോടെ രോഗബാധിതരുടെ എണ്ണം 208 ആയി. തുത്തൂർ സ്വദേശിയായ 36 കാരൻ, ചെന്നൈയിൽ നിന്ന് വന്ന സൗത്ത് സൂരങ്കുടി സ്വദേശിനിയായ 40 കാരി, നെയ്യൂർ സ്വദേശിനിയായ 68 കാരി,ചെന്നൈയിൽ നിന്ന് കാറിൽ വന്ന കല്ലുകൂട്ടം സ്വദേശികളായ ഒരു കുടുംബത്തിലെ മൂന്ന് പേർ എന്നിവർക്കാണ് ഇന്നലെ രോഗം സ്ഥിരീകരിച്ചത്. 36 കാരന് സമ്പർക്കത്തിലൂടെയാണ് രോഗം ബാധിച്ചത്. സ്രവ സാമ്പിളുകൾ എടുത്ത ശേഷം ക്വാറന്റൈൻ ചെയ്തിരുന്ന ഇവരെ പരിശോധന ഫലം കിട്ടിയതിനെ തുടർന്ന് ഇന്നലെ ആശാരിപ്പള്ളം ആശുപത്രിയിലെ ഐസൊലേഷൻ വാർഡിലേക്ക് മാറ്റി. ജില്ലയിൽ ഇതു വരെ 126 പേരാണ് രോഗമുക്തി നേടിയത്.നിലവിൽ ആശാരിപ്പള്ളം ആശുപത്രിയിൽ 80പേർ ചികിത്സയിലുണ്ട്.