വർക്കല: സുഭിക്ഷ കേരളം പദ്ധതിയുടെ ഭാഗമായി ചെമ്മരുതി ഗ്രാമപഞ്ചായത്തിൽ തരിശായി കിടന്ന ഭൂമിയിൽ കേരള ഗസറ്റഡ് ഓഫീസേഴ്സ് അസോസിയേഷൻ തിരു. നോർത്ത് ജില്ലാ കമ്മിറ്റിയുടെ നേതൃത്വത്തിൽ പനയറയിൽ മരച്ചീനിയും, ചോളവും കൃഷി ഇറക്കി. അഡ്വ. വി. ജോയി എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എ.എച്ച്. സലിം, അസോസിയേഷൻ നേതാക്കളായ മണിവർണ്ണൻ, ശ്രീകുമാർ, സുപിൻ, സജീന്ദ്രബാബു, സുനിൽകുമാർ കെ.പി, ഗ്രാമ പഞ്ചായത്ത് സ്ഥിരം സമിതി അദ്ധ്യക്ഷ അരുണ എസ്.ലാൽ, അരവിന്ദൻ, ജി.എസ്. സുനിൽ, സന്തോഷ് കുമാർ എന്നിവർ പങ്കെടുത്തു.